އެސްޓީއޯ އިން ދިރާސީ އާ އަހަރާއި ދިމާކޮށް 'ބެކް ޓު ސްކޫލް' ޕްރޮމޯޝަން ފަށައިފިއެވެ.
އެސްޓީއޯ ޕީޕަލްސް ޗޮއިސްގެ އިތުރުން އެސްޓީއޯގެ ރީޖަނަލް ފިހާރަތަކުގައި މި މަހުގެ ނިޔަލަށް މި ޕްރޮމޯޝަން ކުރިއަށްދާނެ އެވެ.
'ބެކް ޓު ސްކޫލް' ޕްރޮމޯޝަން ކުރިއަށްދާ މުއްދަތުގެ ތެރޭގައި، އާންމުންގެ ތެރޭގައި މަގްބޫލްކަން ހޯދާފައިވާ 'ޑެވޮންޑޭލް'، 'ހެޕީ ކައު' އަދި 'އައިވީ' ބްރޭންޑްގެ އުފެއްދުންތައް ރީޓެއިލް ނުވަތަ ހޯލްސޭލްކޮށް ގަނެގެން މި ޕްރޮމޯޝަންގެ ލަކީޑްރޯގައި ބައިވެރިވުމުގެ ފުރުޞަތު ލިބޭނެ އެވެ.
މި ޕްރޮމޯޝަން ނިމުމުން ރީޓެއިލް އަދި ހޯލްސޭލް ތިން ނަސީބުވެރިން ހޮވާނެ އެވެ. ރީޓެއިލް ކަސްޓަމަރުންގެ ތެރެއިން ގުރުއަތުން އެއްވަނަ އަށް ހޮވޭ ފަރާތަކަށް، 5،000ރ. ޕީކް-އަ-ބޫ ގެ ގިފްޓް ވައުޗަރެއް ލިބޭއިރު، ދެވަނަ އަށް ދާ ފަރާތަކަށް ލިބެނީ 2،500ރ. އާ ހަމައަށް ވިޔަފާރި ކުރެވޭނެ ޕީކް-އަ-ބޫގެ ގިފްޓް ވައުޗަރެކެވެ. އަދި ތިންވަނަ އަށް ހޮވޭ ފަރާތަށް ދިނުމަށް ހަމަޖެހިފައިވަނީ އަޝްރަފީ ބުކްޝޮޕުން ވިޔަފާރި ކުރެވޭ 1،500ރ. ގިފްޓް ވައުޗަރެކެވެ.
ހޯލްސޭލް ކަސްޓަމަރުންގެ ތެރެއިން އެއްވަނަ އިނާމަކަށް 327 ލިޓަރުގެ 'ޗެސްޓް ފްރީޒާ އަށް ލިބޭއިރު، ދެވަނަ އަށް ހޮވޭ ފަރާތަކަށް 'ރަސަލް ހޮބްސް' ބްރޭންޑްގެ ފެންކައްކާ ޖަގަކާއި، މައިކްރޯވޭވް އަވަނަކާއި ޕްރެޝާ ކުކަރެއް ދިނުމަށް ހަމަޖެހިފައިވެއެވެ. އަދި ތިންވަނަ އަށް ހޮވޭ ފަރާތަކަށް 'ރަސަލް ހޮބްސް' ގެ ފެންކައްކާ ޖަގަކާއި މައިކްރޯވޭވް އަވަނެއް ލިބޭނެ އެވެ.
މީގެއިތުރުން، ރީޓެއިލް ކަސްޓަމަރުންގެ ތެރެއިން 'ޑެވޮންޑޭލް' ބްރޭންޑްގެ 1 ލީޓަރުގެ ކިރު ޕެކެޓާއި ހިކި ކިރު ޕެކެޓް ގަންނަ ފަރާތްތަކަށް 'ޑެވޮންޑޭލް' ގެ ލޯގޯ ޖެހި، ލިމިޓެޑް އެޑިޝަން ޖޯޑުތަކެއް ދިނުމަށް ހަމަޖެހިފައިވާ ކަމަށް އެސްޓީއޯ އިން ބުނެއެވެ. އަދި މި ޖޯޑުތަކުގެ ސްޓޮކު ހުސްވަންދެން ކަސްޓަމަރުންނަށް ދޫކުރާނެ ކަމަށް އެސްޓީއޯ އިން ބުންޏެވެ.