ސައިންސާއި ޓެކްނޮލޮޖީގެ ތެރެއިން ހޯދައިގަތް އެންމެ ބޮޑު އެއް ކުރިއެރުމަކީ ފޯނުތަކާއި ފަންނިއްޔާތުގެ އެފަދަ ވަސީލަތްތަކުން އޭގެ އަނެއް ވަސީލަތަކަށް އެކި ކަހަލަ ޑިޖިޓަލް ފައިލްތައް ފޮނުވޭ ގޮތް ވުން. އެގޮތުން ފާހަގަ ކޮށްލެވުނީ ބްލޫޓޫތުގެ ނަމުން ނަން މަޝްހޫރުވެގެންދިޔަ ނިޒާމު. މިއީ އެ ނިޒާމު ގާއިމު ވެފައިވާ ދެ ވަސީލަތެއް އެކަތި އަނެކައްޗަށް އެފަދަ ޑިޖިޓަލް ފައިލްތައް ބަދަލު ކޮށްލެވޭ ނިޒާމެއް.

ބްލޫޓޫތުގެ ނަން ނިސްބަތް ވަނީ ކާކަށް؟ މިނަން ނިސްބަތްވަނީ މީހަކަށް. އެއީ އެއްވެސް ހާލެއްގައި ޓެކްނޮލޮޖީ އާއި ގުޅުން ހުރި މީހެއް ނޫން. މިނަން ނިސްބަތްވަނީ ދުނިޔޭގެ މަޝްހޫރު ރަސްކަލެއް ކަމުގައިވި ކިންގް ހާރލާޑް ބްލޫޓޫތު ގޯމްސޮން އަށް. އޭނާ މަޝްހޫރު ވެފައިވަނީ މައިގަނޑު ދެކަމަކަށް. އެއީ އޭރު (މ.958)، ހަތުރުވެރި ދެ ގައުމު ކަމަށްވާ ޑެންމާކާއި ނޯވޭ އެކުވެރި ކުރި ކުރުމަށް.

ދެން އޭނާ މަޝްހޫރުވެފައިވަނީ އޭނާގެ އަނގައިގައި މަރުވެފައިވާ ދަތެއް ވޭ. އެ ދަތުގެ ކުލަ، އަޅި ނުވަތަ ނޫ ކުލައެއްގައި ވޭ. އޭނާގެ ނަމުގެ ތެރެއަށް ބުލޫޓޫތް (ބްލޫ - ޓޫތް) އެކުވީ އެހެންވެ ކަމަށް ބުނެވޭ.

ބްލޫޓޫތުގެ ލޯގޯ ފަރުމާކުރެވިފައި ވަނީ ގަދީމީ ޖަރުމަނުގެ އަކުރުތަކެއް (ރޫނޭ) މަސްހުނި ވެގެން. އެއީ އިނގިރޭސި "އެޗް" ގެ އަޑު ނުކުންނަ (ނޯޑިކް އެޗް) "ހަގަލް" އާއި އިނގިރޭސި "ބީ" ގެ އަޑު ނުކުންނަ (ނޯޑިކް ބީ) "ބްޖަރްކަން" ގެ ދެ ނިޝާން އެކުވެ.