ރާއްޖޭގައި ފުރަތަމަ ބެހެއްޓުނު ޓަޗްލެސް ލިފްޓު، އެސްޓީއޯ ޓްރޭޑް ސެންޓަރުގައި ބޭނުންކުރަން ފަށައިފިއެވެ.
އެސްޓީއޯ ޓްރޭޑް ސެންޓަރުގައި ހަރުކޮށްފައިވަނީ އެ ކުންފުނިން ވިއްކަމުން އަންނަ ކޯނޭ ބްރޭންޑްގެ ޓަޗްލެސް ލިފްޓެކެވެ.
އެސްޓީއޯ އިން ބުނީ، ކޯނޭ ލިފްޓުގައި އެކުލެވިގެންވާ ޓަޗްލެސް ފީޗާއާއެކު ސަރަހައްދުތަކުގައި އަތްލާން ޖެހޭ މިންވަރު މަދުވާއިރު، އެ ލިފްޓަކީ އެންމެންނަށް ބޭނުންކުރަން ރައްކާތެރި އެއްޗަކަށް ވާނެ ކަމަށެވެ.
ދުނިޔޭގެ 60 އެއްހާ ގައުމެއްގައި އޮޕަރޭޓްކުރަމުން އަންނަ ކޯނޭ އަކީ ފިންލޭންޑަށް ނިސްބަތްވާ ކުންފުންޏެކެވެ. އެ ކުންފުނީގެ ނަމުން ނަން ދީފައިވާ ކޯނޭ ބްރޭންޑަކީ ޒަމާނާއި އެއްގޮތަށް އޮޓޮމެޓިކް ދޮރާއި، އެސްކަލޭޓަރު އަދި ލިފްޓު ފޯރުކޮށްދިނުމުގައި އިތުބާރު ހޯދާފައިވާ ބްރޭންޑެކެވެ.
ކޯނޭ އަށް މިދިޔަ އަހަރު އާމްދަނީގެ ގޮތުގައި 10.5 މިލިއަން ޔޫރޯ ލިބިފައިވެއެވެ.
ރާއްޖޭގައި ކޯނޭގެ އޮތޯރައިޒްޑް ޑިސްޓްރިބިއުޓަރަކީ އެސްޓީއޯ އެވެ.