އުރީދޫ ޕަބްޖީ މޯބައިލް ޗެމްޕިއަންޝިޕްގައި ބައިވެރިވާން ފުރުޞަތު ހުޅުވާލައިފި

އުރީދޫގެ ގޭމިން ޕްލެޓްފޯމް "އުރީދޫ ނޭޝަން" މެދުވެރިކޮށް ބާއްވާ ޕަބްޖީ މޯބައިލް ޗެމްޕިއަންޝިޕްގައި ބައިވެރިވުމުގެ ފުރުޞަތު އެ ކުންފުނިން މިއަދު ހުޅުވާލައިފިއެވެ.

އެގޮތުން، އުރީދޫން ވަނީ ރާއްޖޭގައި މިހާތަނަށް ބާއްވާ އެންމެ ބޮޑު ޕަބްޖީ ޗެމްޕިއަންޝިޕްގެ ފުރަތަމަ ސީރީޒް (ކޮންޓެންޑާ ސީރީޒް)ގައި ބައިވެރިވުމަށް އޮންލައިން ޕޯޓަލެއް މެދުވެރިކޮށް ރަޖިސްޓްރީކުރުމުގެ ފުރުޞަތު ހުޅުވާލައިފައެވެ.

އުރީދޫން ބުނީ އަންނަ ޑިސެންބަރު މަހުގެ ނިޔަލަށް ޕަބްޖީ މޯބައިލް ޗެމްޕިއަންޝިޕްގެ މުބާރާތްތައް ކުރިއަށްދާނެ ކަމަށެވެ. އެކަމަކު، މި މުބާރާތުގެ ފުރަތަމަ ބުރު ބާއްވާނެ ތާރީޚެއް އެ ކުންފުނިން އަދި އިއުލާނެއް ނުކުރެއެވެ.

މި މުބާރާތުގައި ބައިވެރިވުމަށްޓަކައި:

ޓީމްތައް ރަޖިސްޓްރީކޮށް، ކުރިއަށް އޮތް ކޮލިފައިން މުބާރާތްތަކުގައި ވާދަކޮށް، އުރީދޫ ޕަބްޖީ މޯބައިލް ޗެމްޕިއަންޝިޕްގެ އޮފިޝަލް ކޮލިފައިން ޓޯނަމަންޓްގައި ވާދަކުރަން ޖެހޭ.

ބައިވެރިވާ ޓީމުތަކުން ރަޖިސްޓްރޭޝަން ފީގެ ގޮތުގައި 150ރ. ގެ އިތުރުން، ޓިމް މެންބަރުންގެ މައުލޫމާތާއި ޓީމް ލޯގޯ މި މަހުގެ 15 ވަނަ ދުވަހުގެ ކުރީން ޕޯޓަލް މެދުވެރިކޮށް ހުށަހަޅަން ޖެހޭ.

އުރީދޫން ބާއްވާ ޕަބްޖީ މޯބައިލް ޗެމްޕިއަންޝިޕްގެ ކޮންޓެންޑާ ސީރީޒްގެ ޗެމްޕިއަން ޓީމަށް 10،000ރ. ގެ ފައިސާގެ އިނާމް ކަނޑައަޅާފައިވާއިރު، ދެވަނަ އަށް ދާ ޓީމަކަށް ދިނުމަށް ހަމަޖެހިފައިވަނީ 3،000ރ. އެވެ. އަދި ތިންވަނަ އަށް ހޮވޭ ޓީމަކަށް 2،000ރ ދޭން ވަނީ ނިންމާފައެވެ.

އުރީދޫ ޕަބްޖީ މޯބައިލް ޗެމްޕިއަންޝިޕް ކުރިއަށްދާނެ ގޮތް: