އެސްޓީއޯ އިން ވިއްކަމުން އަންނަ ހިޓާޗީ ބްރޭންޑްގެ ދޮންނަ މެޝިނަށް ހާއްސަ ޕްރޮމޯޝަނެއް ފަށައިފިއެވެ.
"ދޮވެ ހިއްކާ ޕްރޮމޯ" ގެ ނަމުގައި އެސްޓީއޯ ޕީޕަލްސް ޗޮއިސްގައި ފެށި މި ޕްރޮމޯޝަން މި މަހުގެ 18 އިން ފެށިގެން ނޮވެންބަރު މަހުގެ 5 ގެ ނިޔަލަށް ކުރިއަށްދާނެ އެވެ.
މި ޕްރޮމޯޝަންގެ ދަށުން އެސްޓީއޯ ޕީޕަލްސް ޗޮއިސް އިން ގަންނަ ހިޓާޗީ ބްރޭންޑްގެ ކޮންމެ ދޮންނަ މެޝިނަކުން 10 އިންސައްތައިގެ ޑިސްކައުންޓް ލިބޭނެކަމަށް އެސްޓީއޯ އިން ބުނެއެވެ. އަދި މި ޕްރޮމޯޝަންގައި ހިމެނޭ ބައެއް އައިޓަމްތައް ގަތުމުން ބަންޑްލް އޮފާގެ ދަށުން ޕާސިލް ބްރޭންޑްގެ ޑިޓާޖެންޓް ތިން ފުޅި ހިލޭ ލިބޭނެ އެވެ.
"ދޮވެ ހިއްކާ ޕްރޮމޯ" ގެ ނަމުގައި އިއްޔެ މި ފެށި ޕްރޮމޯޝަން ނިމުމުން ގުރުއަތުން ހޮވޭ އެއްވަނަ ފަރާތަކަށް ހިޓާޗީ ފްރިޖެއް ލިބޭއިރު، ދެވަނަ އިނާމަކަށް ލިބޭނީ ހިޓާޗީ ބްރޭންޑްގެ އެއާކޮންޑިނަޝާ އަކާއި ވެކިއުމް ކްލީނާ އެކެވެ. އަދި ތިންވަނަ އަށް ހޮވޭ ފަރާތަކަށް ހިޓާޗީ ޝަވާ ހީޓާ އަކާއި 32 އިންޗީގެ ހިޓާޗީ ޓީވީއެއް ލިބޭނެ އެވެ.