"ދިވެހި މީޑިއާގެ އަހުލާޤީ މިންގަނޑު" އިފްތިތާހުކޮށް މީޑިއާތަކުން އެންޑޯސްކޮށް ސޮއިކުރުމުގެ ރަސްމިއްޔާތު ބާއްވައިފިއެވެ.
މޯލްޑިވްސް މީޑިއާ ކައުންސިލް (އެމްއެމްސީ) ގެ ކޯޑް އޮފް އެތިކްސްގައި ސޮއިކުރުމަށް ދިވެހިރާއްޖޭގެ އަޑުގައި ހުންނަ ސެނެކޯ މާލަމުގައި މިއަދު މެންދުރު ބޭއްވުނު ރަސްމިއްޔާތެއްގައި އޮންލައިން، ޕްރިންޓް އަދި ބްރޯޑްކާސްޓިން މީޑިއާތައް ހިމެނޭގޮތަށް ގާތްގަނޑަކަށް 60 އަށް ވުރެ ގިނަ މީޑިއާ އިން ވަނީ އަމަލުކުރަން އެއްބަސްވެ، ސޮއިކޮށްފައެވެ.
މި ރަސްމިއްޔާތުގައި ވާހަކަފުޅު ދައްކަވަމުން އެމްއެމްސީގެ ރައީސް މުހައްމަދު ޝަފާއު ވިދާޅުވީ، ދިވެހި ނޫސްވެރިންގެ ކޯޑް އޮފް އެތިކްސް އަށް ނޫސްވެރިކަމުގެ ދާއިރާގައި އުޅޭ ކޮންމެ މީހަކު ވެސް އަމަލުކޮށް އަހުލުވެރިވާންޖެހޭނެ ކަމަށެވެ.
11 އަހަރަށްފަހު މި މަސައްކަތް ނިންމާލެވުނީ މީޑިއާ ކައުންސިލްގެ މެންބަރުންނާއި ނޫސްވެރިންގެ މެދުގައި މިދިޔަ މަހުގެ ތެރޭގައި އެކަމުގެ މަޝްވަރާތައް ފެށިތާ ގާތްގަނޑަކަށް ނުވަ ވަރަކަށް ރޭގެ މަތިން ކަމަށް ވެސް ޝަފާއު ފާހަގަކުރެއްވިއެވެ.
ދިވެހި މީޑިއާގެ އެންމެހާ މަސައްކަތެއްގައި އަބަދުމެ ހިފަހައްޓާނެ ހަމަތަކަކީ؛
- އިސްލާމްދީނާއި ދިވެހިޖުމްހޫރިއްޔާގެ ގާނޫނު އަސާސީއާއި ގާނޫނަށް ހުރުމަތްތެރިކޮށް ހިތުން
- އާންމުންނަށް ހަގީގަތް އެނގުމުގެ ހައްގަށް އިހުތުރާމް ކުރުން
- އިންސާނީ ހައްގުތަކަށް އިހުތިރާމްކޮށް، އިޖުތިމާއީ އަހުލާގު ހިފެހެއްޓުން
- ނޫސްވެރިކަމަށް ނުރަނގަޅު ނޫފޫޒު ފޯރުވާ ކަންކަމުން އެއްކިބާވުން
- ނޫސްވެރިކަމުގެ ހަމަތައް ހިފަހައްޓައި އެއްވެސް ބިރަކަށް ޖެހިލުންނުވުން
މިއަދު އެއްބަސްވެ، ސޮއިކުރެވުނު ކޯޑް އޮފް އެތިކްސްގެ ދަށުން ވީއެންމެ އަވަހަކަށް ކޮންމެ މީޑިއާއަކުން ވެސް އެ މީޑިއާއެއްގެ އަމިއްލަ ކޯޑް އޮފް ޕްރެކްޓިސްއެއް އެކުލަވާލުމަށް އެމްއެމްސީގެ ރައީސް ޝަފާއު ވަނީ އިލްތިމާސްކޮށްފައެވެ.