ނަމާދުގެ އަޑު އިވުނަސް، ނަމާދު އަޅާ މީހުން މަދު ނޫން ކަމަަށް މިއަދުގެ ހުކުރު ޚުތުބާގައި ބުނެފިއެވެ.

މި ހަފްތާގެ ހުކުރު ޚުތުބާ ޚާއްސަ ކޮށްފައިވަނީ ނަމާދުގެ މުހިންމު ކަމަށެވެ. އެގޮތުން، ނަމާދަކީ ދީނުގެ ދެވަނަ ތަނބު ކަމަށާއި އެއީ އަޅާ އާއި ކާފިރު ކަމާ ދެމެދުގައިވާ ހުރަހެއްކަން ޚުތުބާގައި ވަނީ ބުނެފައެވެ. އަދި ނަމާދު ދޫކޮށްލާ މީހާ ދީން މުގުރާލާ ކަމަށް ވެސް ޚުތުބާގައި ވަނީ ބުނެފައެވެ. ނަމާދު ކުރުމުން މާތް ﷲ އަޅުތަކުންގެ ފާފަ ފުއްސަވައިދެއްވާނެ ކަމަށާއި އެއީ ހިތްތަކަށް ހަމަޖެހުން ލިބޭފަދަ އަޅުކަމެއް ކަމަށް ވެސް ޚުތުބާގައި ވަނީ ބުނެފައެވެ. އެގޮތުން، ކީރިތި ރަސޫލާ މުޙައްމަދުގެފާނު ވެސް ކަންބޮޑުވެވަޑައިގަންނަވާ ކޮންމެ ފަހަރަކު ނަމާދު ކުރެއްވުމަށް އަވަސްވެވަޑައިގަންނަވާ ކަމަށް ޚުތުބާގައި ވަނީ ފާހަގަކޮށްފައެވެ.

 

ނަމާދަކީ ކިތަންމެ ބޮޑު ބައްޔެއް ތަހައްމަލު ކުރަން ޖެހޭ މީހާ ވެސް އަދާ ކުރަން ޖެހޭ އަޅުކަމަކަށްވާއިރު މިއަދު ގިނަ ބަޔަކު ނަމާދު އަޅާ މަންޒަރު ފެންނަކަމަށް ޚުތުބާގައި ވަނީ ބުނެފައެވެ. އެގޮތުން، ބައެއް މީހުން ބަލިވުމުން ނަމާދު ދޫކޮށްލާ ކަަމަށާއި އެފަދަ މީހުންނަށް ނަމާދު ކުރުންވެފައި އޮންނަނީ ބޮޑު ބުރައަކަށް ކަމަށް ޚުތުބާގައި ވަނީ ބުނެފައެވެ.

މީގެ އިތުރުން މިސްކިތްތައް ގިނަވެފައި ތާޅަފިލިތަކާއި ޓީވީ އާއި ރޭޑީއޯ ފަދަ ވަސީލަތްތަކުން ނަމާދަށް ގޮވާ އަޑު އިވުނު ނަމަވެސް، ނަމާދު އަޅާ މީހުން މަދު ނޫން ކަން ވެސް ޚުތުބާއި ވަނީ ފާހަގަކޮށްފައެވެ. ޚުތުބާގައި ބުނީ ނަމާދު ވަގުތުތަކަށް ފަރުވާތެރިވެ، ދަރިން ތަރުބިއްޔަތު ކުރުމުގައި ނަމާދަށް ހޭނުވުން މުހިންމު ކަމަށެވެ.

މުސްލިމުންގެ މައްޗަށް ފަސް ވަގުތު ނަމާދު ފަރުޟު ކުރައްވާފައިވާއިރު މާތް ﷲ ގެ ރުއްސެވުމާއި ފުއްސެވުމާ ހަމައަށް ދަތުރު ކުރެވޭނީ ނަމާދަށް ރައްކާތެރިވެގެންކަން ޚުތުބާގައި ވަނީ ބުނެފައެވެ.