އަރާ އިރުގައި އެހުރި ހޫނުން، ފަޒާ ފިއްސާލަނީ ދޭހުން
އަރާމާ އެކު ނިދާފައިވާ، ދިރުންތައް ދިރި ތެދުވެ އުޅެނީ
މަގޭ ލޯބީގެ މާބުރުވެސް، ނިދާން ތެދުވެން އުދުހި އުޅެނީ
މަގޭ ހޯދަން ފަޒާގެ ތެރޭ، ދެބުރު ތިންބުރު އަޅާ އުޅެނީ
ވަހާ ކުލަޔާއި ވަޔާ އޮއެވަރު، ބަލާ ދަސްކޮށް މަގޭ ހޯދާ
ގަހާ ތަރިއަށް ނަޒަރު ދީގެން، މަގޭ ހުރިތަން ބަލާ އުޅެނީ
އެހެން މާތައް ފޮޅިފަ ހުއްޓަސް، އެއާ ގާތެއް އެސޮރު ނުވެޔޭ
އެހެން މީހަކު ކިޔާ އެއްޗެއް، އެސޮރު ނާހާ އެހެން އުޅެނީ
މަގޭ ހޯދާ މަގޭ ގާތަށް، އައޭ ހަމަ ކޮންމެ ދުވަހަކުވެސް
މަގޭ ފިޔަތަކު ތެރޭ އޮވެފާ، ނިކަން ފޮނިކޮޅު މަޑުން އެބޮނީ
މަގޭ ފިޔަތައް މިލާ ދިއުމުން، މަގޭ ދޫކޮށް ދިޔޭ ހުރެފާ
އަގޭ ނެތުނީ މިދުނިޔޭގާ، މަގޭގެ ރޮވިފާ ވަކިވެ މިދަނީ
ޝަޒާ މީއޭ މަށަށް ލިބިދިން، މަގޭ ލޯބީގެ މާބުރު ދިން
ފަޒާގާ ނެތްކަމުން ބޭނުން، އަޅާނުމެލާ ވަކިވެ މިދަނީ
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން