ހިކަނދި ފަތަކީ ދިވެހިންގެ ކެއުމުގައި އާންމު ފަތެކެވެ. އޭގެ ޠަބީއަތުގައި ނުބައި ވަހަކާއި ރަހަރެއް އޭގައި ހުރި ނަމަވެސް، ހަމަ ކޮންމެ ކެއުމެއްގައިމެ ހިކަނދިފަތުގެ ކޮންމެވެސް މިންވަރެއް އަހަރެމެންނަށް ބޭނުން ކުރެވޭ ބުނުން ދޮގަކަށް ނުވާނެއެވެ. ފަހަރުގައި ބަދިގެއަށް ނުވަންނަ ފިރިހެން ބޭފުޅުންނަށް މިކަން ނޭނގިދާނެއެވެ. ނަމަވެސް ކައްކާ އުޅޭ އަންހެންވެރިންނަށް، ހިކަދިފަތް ކެވޭ ނުވަތަ ކާންދެވޭ މިންވަރު ހަމަ ރަނގަޅަށްވެސް އިނގޭނެއެވެ. އެހެންކަމުން މި ލިޔުމުގައި މި ބަލާލަނީ ހިކަނދިފަތުން އިންސާނުންގެ ސިއްހަތަށް ކުރާ ފައިތާތަކަށެވެ.

މިއީ އެހެން ފަތްތަކާއި ވަކި ތަފާތު ފަތެއް ނޫނެވެ. ނަމަވެސް މިފަތުގައި ގިނައީ ކޮންކޮން މާއްދާތަކެއްހޭ ބުނެފިނަމަ، ދިރާސާވެރިން ދޭނޭ ޖަވާބުގެ ލިސްޓް ވަރަށް ދިގެވެ. އެ ލިސްޓަށް ޖެހިލަމާ ހިނގާށެވެ. ހިކަނދިފަތަކީ އޭގައި ގިނަ އަދަދަކަށް ކެވެނީގެ މާއްދާތައް އެކުލެވޭ ފަތެކެވެ. އޭގެ ތެރޭގައި:

. ވިޓަމިން އޭ

. ވިޓަމިން ބީ

. ވިޓަމިން ސީ

. ވިޓަމިން ބީ2

. ކެލްސިއަމް

. އަޔަން

. ފައިބާރ

. އެންޓިއޮކްސިޑަންޓްސް

މިއީ ހިކަނފިފަތުން ގިނައިން ފެންނަން ހުންނަ މާއްދާތަކެވެ. އަދި މިނޫނަސް ކިތައްމެ މާއްދާއެއް ހިކަނދިފަތުގައި ވާނެއެވެ.

ހިކަނދިފަތުގައި ހުންނަ އެންޓިއޮކްސިޑަންޓްގެ ބާރަކީ ވަރަށް ގަދަ ބާރެކެވެ. އޭގެ ރާހަތު އެއްމެ ފުރިހަމަ ގޮތުގައި ލިބޭނީ މި ފަތް ރޮލާ ބޭނުން ކުރުމުން ކަމަށް ދިރާސާވެރިން ދެކިލައްފައެވެ. މި ފަތުގައި ހުންނަ އެންޓިއޮކްސިޑަންޓުގެ ބާވަތެއްގެ ސަބަބުން، ހަށިގަނޑުގައި ހުންނަ ނުބައި ކޮލެސްޓްރޯލުގެ މިންވަރު ދަށްކޮށްދިނުމަށް އެހީތެރިވެދެއެވެ. ނަމަވެސް ނުބައި ކޮލެސްޓްރޯލުގެ މިންވަރު ދަށްކޮށްދޭއިރު، ރަނގަޅު ކޮލެސްޓްރޯލުގެ މިންވަރު މަތިވުމަކީވެސް މި އެންޓިއޮކްސިޑަންޓުގެ ސަބަބުން ދިމައިވާ ކަމެކެވެ. ހުސްބަނޑާ ހުރެ، އެއްމެ ފުރަތަމަ ކާ ކެއުމުގައި ހިކަނދިފަތް ބޭނުން ކުރެވޭނަމަ، އެއީ ކޮލެސްޓްރޯލު ދަށްކުރުމަށް ކުރެވޭ ވަރަށް މުހިއްމު ކަމެއްކަމަށް ދިރާސާވެރިން ދެކިލައްވައެވެ. އިސްވެ ދެންނެވިފަދައިން މިކަމުގައި މޮޅު އިތުރީ ހިކަނދިފަތް ރޮލާ ބޭނުން ކުރުމެވެ.

"ލެކްޒެޓިވް" އޭ ކިޔާ މާއްދާ އަކީ އާންމު ގޮތެއްގައި ބޭސް ބޭހުގައި ހުންނަ މާއްދާއެކެވެ. މިއީ ބަނޑު ހިކުމުން، ފާހަނާ ކުރުމަށް ފަސޭހައަކަށް ދެވޭ ކޮންމެ ބޭހެއްގައި ހުންނަ މާއްދާއެކެވެ. ހިކަނދިފަތަކީ މި މާއްދާގެ ތާސީރެއް އެކުލެވޭ ފަތެކެވެ. އެއީ މި ފަތުގައި ހުންނަ ފައިބަރުގެ މާއްދާއާއި އެންޓިއޮކްސިޑަންޓުގެ މާއްދާއަކާއި އެކުވެގެން ފައްކާވާ އަސަރު ތަކެކެވެ.

ހިކަނދިފަތުން ލިއްބައިދޭ ވިޓަމިން އޭ އަދި ވިޓަމިން ސީ އަކީ ފުރަމޭގެ ދުޅަހެޔޮކަމަށް ވަރަށް އަސާސީ މާއްދާތަކެކެވެ. އަދި ހާއްސަކޮށް "ޓެނިންސް އަދި ކާބޮލޯސް އަލްކަލޯލިސް" ނަމަކަށް ކިޔާ އަސަރެއް މި ފަތުގައި އުފެދެއެވެ. އެކަމުގައި ވިޓަމިންތަކުގެ ދައުރު ބޮޑެވެ. މި އަސަރުގެ ސަބަބުން ފުރަމެއަށް ހުރި ނުރައްކާތަކާއި ތަކުލީފުތައް ދުރުކޮށްދިނުމަށް އެހީތެރިވެދެއެވެ. އަދި ފުރަމެއަށް ގެއްލުމެއް ލިބިފައިވާނަމަ، އެކަމެއް އިއާދަވުމަށްވެސް އެހީތެރިވެދެއެވެ.

ވިޓްމިން އޭ އަކީ ލޮލުގެ ފެނުމާއި، ފެނުމަށް މެދުވެރިވާ އޮޕްޓިކް ނާރުގެ ދުޅަހެޔޮކަމަަށް ކޮންމެހެން ބޭނުންތެރި މާއްދާއެކެވެ. ވީއިރު ހިކަނދިފަތުގައި މި މާއްދާ ގިނައިން ހުންނަ ކަމީ މިފަތުގެ ބޭނުންތެރިކަން އަނެއްކާވެސް އިތުރުވެދާ ކަމެކެވެ.

ހަށިގަނޑުގައި ލޭ ދައުރުކޮަށް ދިނުން ފަހިކޮށްދިނުމަށާއި ގުނަންތަކަށް ލިއްބައިދޭ އޮކްސިޖަނާއި ކެވެނީގެ މާއްދާތައް އިތުރުކޮށްދިނުމަށް ހިކަނދިފަތުގައި ހުންނަ މާއްދާތަކެއް އެހީތެރިވެދެއެވެ. ބައެއް ދިރާސާތަކުން ދައްކާ ގޮތުގައި އިސްތަށި ތަކުގެ ދުޅަހެޔޮކަމަށްވެސް ހިކަނދިފަތަކީ ބޭނުންތެރި މާއްދާއެކެވެ. އަދި ބޮލުން ހަން ފޮޅުމާއި އިސްތަށި ފޭބުންފަދަ ކަންކަމަށް ހިކަނދިފަތުން ކޮންމެވެސް މިންވަރެއްގެ ހެޔޮބަދަލެއް ލިބޭނެއެވެ.

ހިކަނދިފަތަކީ ކާ އެއްޗެހީގެ ރަހަ ހެޔޮވަރުކޮށްދީ މީރުކޮށްދޭ ފަތެކެވެ. ހަމަ އެގޮތަށް އިންސާނާގެ ހަށިގަނޑުގެ ދުޅަހެޔޮކަންވެސް މި ފަތުން ރަނގަޅުކޮށްދެއެވެ. ވީއިރު، ރަހަ ނުބައޭ ވަސް ނުބައޭ، ހިކަންޖޭ ކިޔާ ހިކަނދިފަތްކޮޅު އެއްކައިރި ނުކުރާށެވެ.