ކުޑަކޮށް މަގޭ އަދު ހުއްޓަކަސް، މަށަކީ ވަރަށް ބޮޑު ސުއިއްޕެކޭ
ކުޑަކުޑަ ކަށިން ހަމަލާ ދެމޭ، ބޮޑުމީހުނާ ޖަނަވާރުނަށް
އަތުލަން ވިޔަސް އުނދަގޫ ވެޔޭ، ފަހަތުން ދުވޭ އަތް ހޫރަމުން
އަތުތެރެ އަށޭ ޗިސްކޮށް ލަނީ، އުނދަގޫ މަގޭގެ އެ ބޮޑުވުމުން
ލަވައޭ ހަޅޭ ބާރަށް ލައޭ، ގިނަވެން އެދާއިރު އަހުރެމެން
ބަލައެއްނުލާ އަހަރެން އުޅޭ، ތަނަކާއި ހުރި ގޯއްޗެއް މަށަށް
ފެންހެދިފަވާ އެކި ތަންތަނޭ، އަހުރެން އުޅޭނެ އެއީ ތަނޭ
ދެން އެތަނުގާ ބިސްވެސް އަޅާ، އަލާވުމޭ އެއޮތީ މަށަށް
ނައްތާނުލާ ތިބެގެން ލަވާ، އެ ހަޅޭކުގާ ނެތެ އޮށްޓަރެއް
ނައްތާލުމަށް އުނދަގޫ ވެޔޭ، ތަންތަން އެގޭ ތިބި މީހުނަށް
ހައްލެއް އޮތީ ތިޔަ މީހުނަށް، އަހަރުން އުޅޭ ތަންތަން އެކީ
ނައްތާލުމޭ ލިބިފާ އޮތީ، ދެމިގެން އެދާ ފަދަ ހައްލަކަށް
ލެވުމުގެ ހަޅޭ ނެތެ ބޭނުމެއް، ކަނޑުކޮސް ވިޔަސް ތިޔަ ބޮޑުވަރޭ
ވެވުމުން ތިބާ ތިޔަހާ ގަމާރު، މީހުން ކުރާނި މަލާމަތޭ
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން