ށ. މާއުނގޫދޫ ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތަށް ބޭނުންވާ ކޮންކްރީޓް ގަލުގެ ފުރަތަމަ ޝިޕްމަންޓް މިހާރު ޕްރޮޖެކްޓް ސައިޓަށް ގެންދެވިފައިވާކަމަށް އެމްޓީސީސީ އިން ބުނެފިއެވެ.
އެމްޓީސީސީ އިން ބުނީ އައު ހާބަރ ބޭސިން ފުންކުރުމުގެ މަސައްކަތުގެ 32 އިންސައްތަ ފުރިހަމަކުރެވިފައިވާ ކަމަށެވެ.
މި މަޝްރޫޢުގެ ދަށުން، 59،013 ކިއުބިކް މީޓަރުގެ ސަރަހައްދެއްގެ އާ ހާބަރު ބޭސިން ފުންކުރުމާއި، 3245.48 ކިއުބިކް މީޓަރުގެ ސަރަހައްދެއްގެ ނެރަށް ވަދެވެން އޮންނަ ދިމާ ފުންކުރުމާއި، 362 މީޓަރުގެ ސަރަހައްދެއްގައި ބޭރުތޮށިލުމުގެ މަސައްކަތް ކުރުމަށް ވަނީ ހަމަޖެހިފައެވެ. އަދި 312 މީޓަރުގެ ކުއީ ފާރެއް ހެދުމާއި، 105 މީޓަރުގެ ރިވެޓްމަންޓެއް ޖެހުމާއި، 1،509 އަކަ މީޓަރުގެ ހާބަރ ޕޭވްމަންޓް އިންސްޓޯލް ކުރުމާއި، ރެމްޕްއެއް ހެދުމުގެ އިތުރުން ކޮންކްރީޓް ޖެޓީ ހެދުމާއި، ބަނދަރު ލައިޓްތައް ބެހެއްޓުން ހިމެނެއެވެ.
މި މަޝްރޫޢުގެ އަގަކީ 56.33 މިލިއަން ރުފިޔާ އެވެ.