އެއްޒަމާނެއްގައި އުޅުނު މީހަކަށް، އެކަނި އުޅުނު ކުޑަކުޑަ އެތެއް ފެނުނެވެ. އޭނާ އެ އެތް ހިފިއެވެ. އަދި އޭނާ އުޅޭ ގެޔަށް ގެނައެވެ. އެއަށްފަހު އެ ގޭގައި ހުރި ގަހެއްގައި ވާގަނޑެއް ޖަހާ، އޭގެ އަނެއްކޮޅު އެ އެތުގެ ފައިގާ ޖަހާ އެސޮރު ހައްޔަރު ކުރިއެވެ.

އެއާއެކު އެސޮރު، އެތަނުން ސަލާމަތްވާން ވަރަށް މަސައްކަތް ކުރިއެވެ. ނަމަވެސް އެސޮރުގެ ކުޑަކަމުން، އެ ގަސް ބިންދާލެވޭ ގޮތެއް އެސޮރަކަށް ނުވިއެވެ. އެއާއި އެކު އެ އެތް ޖެހުނީ އެ ގަސްދޮށުގައި ބެނދެވިގެން އިންނާށެވެ.

ދުވަސްތައް ފާއިތުވަމުން ދަނީ އެމީހާ، އެ އެތައް ބަރާބަރަށް ކާންދީ ބޯންދީ ހަދަމުންނެވެ. ނަމަވެސް އެ އެތް އަދިވެސް އޮންނަނީ ބަނދެފައެވެ. މިހެން ގޮސް އެތައް އަހަރެއް ފާއިތުވެގެން ހިނގައްޖެއެވެ. އެ އެތް ބޮޑުވެ، ބޮޑު އެތަކަށް ވެއްޖެއެވެ. އަދިވެސް އެ އެތް އެ އޮންނަނީ ހަމަ އެ ގަހުގައި ބަނދެފައެވެ. ދުވަސްތަކެއް ފާއިތުވި ނަމަވެސް އެ ގަހުގެ ބޮޑުމިނަކަށް މާބޮޑު ބަދަލެއް ނާދެއެވެ.

މިއަދު އެ އެތުގެ ހައިބަތު ބޮޑުކަމާއި ހަށިގަނޑުގެ ވަރުގަދަކަމުން، އެ ގަސް ވައްޓާލާ، އެސޮރަށް މިނިވަންކަން ހޯދޭނެއެވެ. އެ ބާރު އެ އެތުގައި މިއަދު ހުންނާނެއެވެ. ނަމަވެސް އެ އެތް، މިނިވަންވާން މަސައްކަތެއް ނުކުރެއެވެ. ސަބަބީ ކުރީގައި، އެހެނީ އެސޮރު ކުޑައިރު، އެ ގަސް ވައްޓާލަން ކުރި މަސައްކަތް ނާކާމިޔާބު ވެފައި އޮތުމުން، މިއަދުވެސް އެސޮރު ގަބޫލުކުރާގޮތުގައި އެ ގަހެއް އެސޮރަކަށް ވައްޓައެއް ނުލެވޭނެއެވެ. އެހެންކަމުން މިނިވަންވާން ބޭނުންވެފައި ހުރިނަމަވެސް، އެ ގަހުގައި ބަނދެވިފައި އެ އެތް، އެ އޮންނަނީއެވެ. އެންމެފަހުން އެ އެތް މަރުވެ ދިޔައީ އެ ގަހުގައި ބަނދެވި، އެ ހިތްދަތިކަމުގައި މުޅި އުމުރު ހޭދަކޮށްގެންނެވެ.

އާދޭހެވެ! މި ވާހަކައިން އިންސާނުން ހާސިލްކުރަންވީ އިބުރަތަކީ ކޮބާ ހެއްޔެވެ؟ އާނއެކެވެ. އިންސާނުންގެ ހަޔާތުގައި އެ އިންސާނަކު ބެނދެވިފައިވާ ބައެއް ކަންކަން ހުންނާނެއެވެ. ހިތާމަތަކާއި ހިތްދަތި ކިތައްމެ ކަމެކެވެ. އިރެއްގައި އެކަމުން އަރައިގަންނަން ކުރި މަސައްކަތް ނާކާމިޔާބުވުމަކީ، ދެން ފަހުންވެސް އެކަން އެމަގުން ހިނގަން ޖެހޭނޭ ކަމެއް ނޫނެވެ. އަބަދުވެސް އުފާވެރިކަމަށް މަސައްކަތް ކުރާށެވެ. ތިމާއަށް އަންނަ ބަދަލު، ތިމާއަށް އިހުސާސް ކުރެވޭނީ އުފާވެރިކަން ހޯދަން މަސައްކަތް ކުރެވޭނަމައެވެ. ނޫންނަމަ އިންސާނާވެސް ނިމިދާނީ އެ ހިތާމައެއްގައި ގައިދުވެ ހުރެއެވެ.