ބ. ކަމަދޫ ބަނދަރު ތަރައްޤީ ކުރުމުގެ މަސައްކަތުގެ 54 އިންސައްތަ ފުރިހަމަކުރެވިފައިވާ ކަމަށް އެމްޓީސީސީ އިން ބުނެފިއެވެ.
އަދި މި މަޝްރޫޢުގެ މަސައްކަތަށް ބޭނުންވާ ބޮޑުހިލައިގެ ތިންވަނަ ޝިޕްމަންޓް މިހާރު ޕްރޮޖެކްޓް ސައިޓަށް ގެންދެވިފައިކަމަށް ވެސް އެމްޓީސީސީ އިން ވަނީ ބުނެފައެވެ.
މި މަޝްރޫޢުގެ ދަށުން، 30،933 ކިއުބިކް މީޓަރުގެ ސަރަހައްދެއްގައި ބިން ހިއްކުމާއި، 5،085 ކިއުބިކް މީޓަރުގެ ބަނދަރު ފުންކުރުމުގެ މަސައްކަތާއި، 181 މީޓަރުގެ ބްރޭކްވޯޓަރެއް ހެދުން؛ 656 މީޓަރުގެ ރިވެޓްމަންޓެއް ޖެހުމާއި، 392 މީޓަރުގެ ބަނދަރު ފާރެއް ހަދައި، 1،670 އަކަމީޓަރުގެ ބަނދަރު ޕޭވްމަންޓެއް ހަދައި، ރެމްޕެއް ހެދުމާއި، ނޭވިގޭޝަނަލް ލައިޓްތަކާއި ބަނދަރު ލައިޓްތައް ބެހެއްޓުން ހިމެނެއެވެ.
މި މަޝްރޫއުގެ އަގަކީ 48.63 މިލިއަން ރުފިޔާ އެވެ.