ސ. ހުޅުމީދޫ މިފްކޯ ބަނދަރު ތަރައްޤީ ކުރުމުގެ މަޝްރޫޢުގެ ފުރަތަމަ ފިޔަވަހިގެ ދަށުން ކުރިއަށްދާ އެއްގަމު ތޮށިލުމުގެ މަސައްކަތް މިހާރު ނިމިފައިވާ ކަމަށް އެމްޓީސީސީ އިން ބުނެފިއެވެ.
އެމްޓީސީސީ އިން ބުނީ މިހާރު އައު ބަނދަރު ފުންކުރުމުގެ މަސައްކަތުގެ 76 އިންސައްތަ ފުރިހަމަކުރެވިފައިވާ ކަމަށާއި، އަދި އައު ހާބަރ ޗެނަލް ފުންކުރުމުގެ މަސައްކަތުގެ 86 އިންސައްތަ ނިމިފައިވާ ކަމަށެވެ.
މި މަޝްރޫޢުގެ ދަށުން، 471،380 ކިއުބިކް މީޓަރު ސަރަހައްދެއްގެ ބަނދަރު ފުންކުރުމާއި، 1،788 ކިއުބިކް މީޓަރުގެ ސަރަހައްދެއްގެ ބިިން ހިއްކުމާއި، 97 މީޓަރުގެ ބަނދަރު ފާރެއް ހެދުމަށްވަނީ ހަމަޖެހިފައެވެ.
މިއީ 68.80 މިލިއަން ރުފިޔާގެ މަޝްރޫޢު އެކެވެ.