"ސްޓެލްކޯ ޢީދު މަލާފާތް" ނަމުގައި ފޭސްބުކް އަށް ހާއްސަކޮށް މި ފިޠުރު ޢީދުގެ ސުފުރާމަތި ޕޯސްޓްކޮށްގެން ފައިސާގެ އިނާމެއް ހޯދުމުގެ ފުރުޞަތު ސްޓެލްކޯ އިން ހުޅުވާލައިފިއެވެ.
އެގޮތުން، ފިޠުރު ޢީދު ދުވަހު ގޭގައި ތައްޔާރުކުރާ ކާއެއްޗެތީގެ (ސުފުރާމަތީގެ) ފޮޓޯއެއް STELCOEidMalaafaiy # ޖެއްސެވުމަށްފަހު ފޭސްބުކްގައި ޕޯސްޓްކުރައްވައިގެން، އެންމެ ގިނަ ލައިކް އަދި ޝެއަރ ލިބޭ ޕޯސްޓަކަށް މި އަގުހުރި އިނާމުތައް ހާސިލްކުރުމުގެ ފުރުޞަތު ލިބިގެންދާނެ ކަމަށް ސްޓެލްކޯ އިން ބުނެއެވެ.
އެންމެ ގިނަ ލައިކް އަދި ޝެއަރ ލިބޭ ޕޯސްޓް އަކަށް:
އެއްވަނަ އިނާމް: 5،000ރ. ފަސް ހާސް ރުފިޔާ
ދެވަނަ އިނާމް: 3،000ރ. ތިން ހާސް ރުފިޔާ
ތިންވަނަ އިނާމް: 2،000ރ. ދެ ހާސް ރުފިޔާ
މި އަގުހުރި އިނާމުތައް ހާސިލްކުރުމަށްޓަކައި ކަނޑައެޅިފައިވާ ހޭޝްޓެގް ޖެއްސެވުމަށްފަހު ފޭސްބުކް މެދުވެރިކޮށް ފޮޓޯ ޝެއަރ ކުރެވޭނެ އެންމެ ފަހު ގަޑި އަކީ މި ޝައްވާލް މަހުގެ 1 ވަނަ ދުވަހުގެ ރޭގަނޑުގެ 11:59 ގެ ކުރީންނެވެ. އަދި މި ފޮޓޯ ޝެއަރ ކުރާއިރު ޕްރައިވެސީ ސެޓިންގ "ޕަބްލިކް" އަށް ލުމަށް ހަނދާން ބަހައްޓަންވާނެ އެވެ.