ގްރޭޓަރ މާލޭގެ ކަރަންޓު ބޭނުންކުރެވޭ މިންވަރު ދުވަހެއް ދުވަހަކަށް މަތިވަމުންދާ ކަމަށް ސްޓެލްކޯ އިން ބުނެފިއެވެ.
ސްޓެލްކޯ އިން މިއަދު ކުރި ޓުވީޓެއްގައިވަނީ، މިދިޔަ ފެބުރުއަރީ، މާރިޗް އަދި މި ހިނގާ އޭޕްރީލް މަހުގެ ލޯޑު ޓްރެންޑް ދައްކާގޮތުން، ގްރޭޓަރ މާލޭގެ އެވްރެޖް ޕަވަރ ޔޫސޭޖް (އެވްރެޖް އެނާރޖީ ކޮންސަމްޕްޝަން) މިދަނީ ދުވަހެއް ދުވަހަކަށް މަތިވަމުން ކަމަށެވެ.
އެގޮތުން، އެވްރެޖްކޮށް ބަލާނަމަ ދުވާލާއި ރޭގަނޑުގެ ހުރިހާ ވަގުތެއްގެ ވެސް އެހެން މަސްތަކާއި އަޅާބަލާއިރު ކަރަންޓު ބޭނުންކުރާ މިންވަރު އިތުރުވެފައިވާ ކަމަށް ވެސް ސްޓެލްކޯ އިން ބުނެއެވެ.
އެހެންކަމުން މި ދުވަސްވަރު ކަރަންޓު އިގްތިޞާދުކުރުމަށް ހާއްސަ ސަމާލުކަމެއް ދިނުމަށް ސްޓެލްކޯ އިން ވަނީ އިލްތިމާސްކޮށްފައެވެ.