ރ. އަލިފުށީ ބިން ހިއްކުމާއި އެއާޕޯޓް ތަރައްޤީ ކުރުމުގެ މަޝްރޫޢުގެ ދަށުން، އެއާޕޯޓް ޓާމިނަލް އިމާރާތުގެ ފައުންޑޭޝަން މަަސައްކަތްތައް މިހާރު ނިމިފައިވާ ކަމަށް އެމްޓީސީސީ އިން ބުނެފިއެވެ.
އަދި މިހާރު ކުރިއަށްދަނީ އަލިފާން ނިއްވާ އިމާރާތުގެ ރޫފިންގ މަސައްކަތްތައް ކަމަށް ވެސް އެމްޓީސީސީ އިން ވަނީ ބުނެފައެވެ.
މި މަޝްރޫޢުގެ ދަށުން، 50.5 ހެކްޓަރުގެ ސަރަހައްދެއްގެ ބިން ހިއްކުމާއި، ހިއްކާ ބީމުގެ ގޮނޑުދޮށް ހިމާޔަތްކުރުމަށްޓަކައި 2871 މީޓަރުގެ ސަރަހައްދެއްގައި ރިވެޓްމަންޓެއް ޖެހުމާއި، 480 މީޓަރުގެ ގްރޮއިންސް ޖެހުން ހިމެނެއެވެ. އަދި އެއާޕޯޓުގެ ރަންވޭއެއް އެޅުމާއި، އޭޕްރަން، ޓެކްސީވޭ އަދި ސާވިސް ރޯޑްސް ހެދުމާއި، ޓާމިނަލް ބިލްޑިންއަކާއި ފަޔަރ ބިލްޑިންއެއް އެޅުމާއި، އަލިފާން ނިއްވާ ސާމާނު ބެހެއްޓުމާއި، 655 މީޓަރުގެ ސެކިއުރިޓީ ފެންސެއް ޖެހުމުގެ މަސައްކަތްކުރުމަށް ވަނީ ހަމަޖެހިފައެވެ.
މިއީ 451.6 މިލިއަން ރުފިޔާގެ މަޝްރޫޢު އެކެވެ.