ށ. މިލަންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތަށް ބޭނުންވާ ބޮޑުހިލައިގެ ތިންވަނަ ޝިޕްމަންޓް މިހާރު ޕްރޮޖެކްޓް ސައިޓަށް ގެންދެވިފައިވާކަމަށް އެމްޓީސީސީ އިން ބުނެފިއެވެ.
2700 އެއްހާ މީހުންގެ އާބާދީއެއް އޮންނަ މިލަންދޫ އަކީ ބިން ބޮޑު ރަށެކެވެ. އެމްޓީސީސީ އިން އެ ރަށުގައި މިހާރު ކުރިއަށްގެންދާ އަނެއް މަޝްރޫޢު އަކީ ބަނދަރު ތަރައްޤީ ކުރުމުގެ މަސައްކަތެވެ.
އެމްޓީސީސީ އިން މިލަންދޫގެ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، 954 މީޓަރުގެ ސަރަހައްދެއްގައި ރިވެޓްމަންޓެއް ޖެހުމާއި، 115 މީޓަރުގެ ސަރަހައްދެއްގައި ގްރޮއިންއެއް ހެދުމަށް ވަނީ ހަމަޖެހިފައެވެ.
މި މަޝްރޫއުގެ އަގަކީ 34.6 މިލިއަން ރުފިޔާ އެވެ.