އާއްމުކޮށް އާދަވެ ފިރިހެނުން މޭކަޕް ކުރުން އެއީ އެހާ އާއްމު ކަމެއް ނޫން. ނަމަވެސް ދުނިޔޭގެ ޤަދީމީ ޒަމާނުގައި އުޅުނު ވައިކިންގް ގެ ނަން ދެވިފައިވާ މީހުންނަކީ އެޒަމާނުގައި އާދަވެ މޭކަޕް ކޮށް އުޅުނު ބައެއް.

އެބައިމީހުންގެ އަންހެނުންނާއި އެއްވަރަށް ފިރިހެނުންވެސް މޭކަޕް ކޮށް އުޅުނު. ތާރީޚުން އެނގޭ ގޮތުގައި ބައެއް ހާލަތްތަކުގައި ވައިކިންގެ ފިރިހެނުން އަންހެނުންނަށްވުރެ، މޭކަޕް ކުރުމުގައި ފަރުވާތެރިވެ ސަމާލުވޭ. އަދި ބައެއް ހާލަތްތަކުގައި މޭކަޕް ކުރުމަށް އެހާ ވަގުތުވެސް ވައިކިންގް ފިރިހެނުން ހޭދަކުރި.

ތަފާތު އެކި ހާލަތްތަކާއި ގުޅިގެން ތަފާތު މޭކަޕްތައް އެމީހުން ކޮށް އުޅުނު. ކޮންމެ ދުވަހަކުވެސް، އެދުވަހެއް، އެމީހުންގެ ފިރިހެނުން ފަށަނީ، ކޮންމެވެސް ކަހަލަ މޭކަޕެއް ކޮށްގެން.

މޭކަޕް ކުރުމުގައި ވައިކިންގް ފިރިހެނުން އެއްމެ ގިނައިން ބޭނުން ކޮށްއުޅުނީ އަނދާފައި ހުންނަ ލަކުޑީގެ ދެލި. މިއީ ފޮހެލަންވެސް ފަސޭހަ އެއްޗެއް. އަދި ބައެއް ފަތްފަތުގެ ކިހަކުންވެސް މޭކަޕް ކޮށް އުޅޭ. 

އެބައިމީހުންގެ އެންމެ ތަފާތު މޭކަޕްތައް ފެންނަނީ އެމީހުން ހަނގުރާމަ ތަކުގައްޔާއި އެމީހުންގެ ދީނީ ބައެއް ކަންކަމުގަ. އަދި އެމީހުންގެ ސަގާފަތުގެ ގޮތުން ފާހަގަ ކުރާ ބައެއް ހަފްލާތަކުގައިވެސް މޭކަޕްކޮށް އުޅުނު. ބުނެވޭ ގޮތުގައި ދުނިޔޭގައި އެންމެ ފުރަތަމަ އެހާ ގަދަޔަށް މޭކަޕްކޮށް އުޅުނު ފިރިހެނުންނަކީ ވައިކިންގް ފިރިހެނުން ކަމަށް ވޭ.