ރޮބަޓް ޑެ ނީރޯ އަނެއްކާވެސް ބައްޕައަކަށް ވެފައިވަނީ އޭނާގެ އުމުރުން 79 އަހަރުގައި ކަމަށް “ރޭޖިން ބުލް” ގެ އެކްޓަރު ދާދި ފަހުން ދިން އިންޓަވިއުއެއްގައި ވަނީ ބުނެފައެވެ.
ޑަބަލް އޮސްކާ ހާސިލްކުރި ޑެ ނީރޯ ވަނީ އޭނާއަށް ލިބިފައިވަނީ އެންމެ ހަ ކުދިން ކަމަށް އިންޓަވިއު ކުރި މީހަކު ބުނުމުން އެކަން އިސްލާހުކޮށް، އޭނާ ބުނީ މިހާރު ހަތްކުދިން ކަމަށް ބުނެފަ އެވެ.
"އަހަރެންނަށް ދަރިއަކު ލިބުނީ ދާދިފަހުން" ދަރިފުޅުގެ ޖިންސާއި މަންމަގެ އައިޑެންޓިޓީ ހާމަ ނުކޮށް އީޓީ ކެނެޑާއަށް ދިންއިންޓަރވިއުގައި ކިޔައިދިނެވެ. ޑެ ނީރޯގެ ޕަބްލިސިސްޓް ވަނީ އެ ޚަބަރު އޭއެފްޕީއަށް ކަށަވަރުކޮށްދީފައެވެ.
ޑެ ނީރޯ އޭނާގެ ފުރަތަމަ އަންހެނުން ކަމުގައިވާ “ޓެކްސީ ޑްރައިވަރ” ގެ ކޯ ސްޓާ ޑިއަން އެބޮޓް އާއި ދެ ކުދިން ހިއްސާކުރާއިރު، 2018 ވަނަ އަހަރު އޭނާއާ ވަކިވެ ސޯޝަލައިޓް ގްރޭސް ހައިޓަވަރ އާއެކު އިތުރު ދެ ކުދިން ހޯދިއެވެ.
އަދި 1980 ގެ އަހަރުތަކުގެ ފަހުކޮޅު އަދި 1990 ގެ އަހަރުތަކުގެ ކުރީކޮޅު އޭނާ ރައްޓެހިވި މޮޑެލް ޓޫކީ ސްމިތު އާއެކު ވެސް އެއްމާބަނޑު ދެ ފިރިހެން ކުދިން އޭނާ އަށް ވަނީ ލިބިފައެވެ.
ޑެ ނީރޯ މިހާރު ދަނީ އޭނާގެ އައު ކޮމެޑީ ފިލްމު “އެބައުޓް މައި ފާދަރ” ޕްރޮމޯޓް ކުރަމުންނެވެ.
އޭނާގެ ޖީލުގެ އެންމެ މޮޅު އެކްޓަރުންގެ ތެރޭގައި ވޯޓުލާ ކޮންމެ ފަހަރަކު ހޮވޭ ޑެ ނީރޯ ވަނީ އުމުރުން 40 އަހަރުގެ ކުރިން ދެ އެކެޑެމީ އެވޯޑް ހޯދާފަ އެވެ.
ޑެ ނީރޯއަށް ފުރަތަމަ އޮސްކާ ލިބުނީ، އެންމެ މޮޅު ސަޕޯޓިން އެކްޓަރުގެ މަގާމު، 1974 ވަނަ އަހަރު ރިލީޒްކުރި “ދަ ގޯޑްފާދަރ ޕާޓް ޓޫ” އިންނެވެ.
ފަހުގެ ކެރިއަރުގައި އޭނާއަށް ވަނީ އާއިލާ އާއެކު ބަލާލަން ކަމުދާ ކޮމެޑީ ފިލްމުތަކުން މަޝްހޫރުކަން ހޯދާ، އަބަދުވެސް ފާޑުކިޔުންތެރި ކާމިޔާބީތަކެއް ހޯދާފައެވެ.
އުމުރުން ދުވަސްވުމުން ބައްޕައަކަށް ވެގެން ދިޔަ ހޮލީވުޑް އަދި މުނިފޫހިފިލުވުމުގެ ދާއިރާގެ އެހެން ތަރިންގެ ތެރޭގައި އުމުރުން 69 އަހަރުގެ ޖޯޖް ލޫކަސް އާއި 73 އަހަރުގައި ދަރިއަކު ލިބުނު ޗާލީ ޗެޕްލިން އާއި މިކް ޖެގާ ހިމެނެއެވެ.