އިންސާނާގެ ހަށިގަނޑުގައި އެކި ވަރުވަރުން އުފެދިފައި ހުންނަ ފާރުކޮޅުތަކާއި ބައެއް އަނިޔާތައް، މޫދު ލޮނުގައި ޖެހުމުން އޭގެ ހާލަތު ގޯސްވެދެއެވެ. މިފަދަ ހާލަތްތަކަށް، ފާރުކޮޅެއް ލޮނުވިހަ ވީއޭ ބުނެއެވެ. މިއަށް ސިއްހީގޮތުން ވިބްރިއޯ ވަލްނިފިޝަން އިންފެކްޝަން އޭ ވެސް ކީދާނެއެވެ. އެ ފާރުކޮޅެއް ފަސޭހަ ނުވެ، ނުބައިވެ، ދޮސްލުންފަދަ ކަންކަން މެދުވެރިވެއެވެ. އެހެންކަމުން ފާރުކޮޅެއް ލޮނުވިހަވާންވީ ކީއްވެތޯ ބަލާލުން އެއީ ކުރުން ރަނގަޅު ކަމެކެވެ.
ހެދިފައި ހުންނަ ފާރުކޮޅުތަކަކީ އޭގެ ޠަބީއަތުން ލޮނަށް ވިހަވާ ތަންތަނެއް ނޫނެވެ. ލޮނު ފެނުގައި ޖެހުނަސް ލޮނުފެނުން ދޮވުނަސް، އޭގެ ޠަބީއަތުގައި އެ ފާރުތައް ވިހައެއް ނުވާނެއެވެ. ވިހަވުމޭ މި ކިޔާ ހާލަތު މެދުވެރިވަނީ މޫދުލޮނުގައި ހުންނަ ޖަރާސީމުގެ ސަބަބުންނެވެ. އަސްލަކީ އެ ފާރުކޮޅެއް އިންފެކްޓް ވުމެވެ.
އިންސާނާގެ ހަށިގަނޑުގެ ބޭރުފުށުގައި ހުންނަ މިފަދަ ފާރުކޮޅުތަކަކީ އެތަންތަނުގައި ހޫނުކަމެއް ހުންނަ ތަންތަނެވެ. މޫދަކީ އެތަނެއްގައި ތަފާތު ދިރުންްތައް ގިނަ ތަނެކެވެ. ލޮލަށް ނުފެންނަ ކުދި ކުދި މައިކްރޯއޯގަނިސަމްސްވެސް އެހާމެ ގިނަ ތަނެކެވެ. ޖުމުލަކޮށް ތަފާތު އެކި ޖަރާސީމުތައްވެސް އުޅޭތަނެކެވެ. އާއްމުގޮތެއްގައި މޫދުގެ ފިނިހޫނުމިން އިމްސާނާގެ ހަށިގަނޑުގެ ފިނިހޫނުމިނަށްވުރެ ދަށްވާނެއެވެ. މޫދުގައި ހުންނަ ބައެއްކަހަަލަ ޖަރާސީމުތަކަކީ ހިސާބަކަށް ހޫނުކަން ލިބުމުން ކުއްލިއަކަށް ގިނަވެ އާލާވާ ވައްތަރުގެ ޖަރާސީމުތަކެކެވެ. މޫދުގެ އެ ފިނިހޫނުމިނުގައި އެސޮރުމެން އާލާވެ ގިނަވުން އޮންނަނީ ވަރަށް ލަސް މަރުހަލާއެއްގައެވެ.
ކަންމިހެން ހުރުމާއި އެކު އެއްކަލަ، ހޫނުކަމެއް ހުރި އެ ފާރުކޮޅުގައި މިފަދަ ޖަރާސީމެއް ޖެހިއްޖެނަމަ، ނުލާހިކު އަވަހަކަށް އެޖަރާސީމެއް ގިނަވެއެވެ. އަދި އެ ފާރުކޮޅެއްގެ ތެރޭގައި "ރަސްކަން" ކުރެއެވެ. މިއީ އެސޮރަށް އެއްމެ އެކަށީގެންވާ ފިނިހޫނުމިން ކަމުގައި ވާނަމައެވެ. އެހެނީ އެއީ ހޫނުގައި އޭގައި ހަރަކާތްތެރިކަން އިތުރު ޖަރާސީމަކަށް އެ ޖަރާސީމު ވީތީއެވެ.
މިގޮތަށް ފާރުކޮޅުގައި އަށަގަނެފައި ހުންނަ ޖަރާސީމު ގިނަވެ ފެތުރެން ފަށައެވެ. މޫދަށް އެރިގެން އައިސް މީރުފެނުން ފެންވެރިއެއްކަމަކު، އެ ޖަރާސީމުތައް ފިލައިގެން ނުދެއެވެ. އަދި ފާރުކޮޅުން ރީތިކޮށް ފެން ނުހިއްކޭނަމަ، އެ ހުންނަ ހޫނުކަމާއި އެކުވެދާ ތެތްކަމުގައި އަނެއްކާވެސް އެ ޖަރާސީމެއް އެ ފާރުކޮޅަކަށް ގަދަވެއެވެ. މަޑުމަޑުން ފާރުކޮޅުގައި އަލަށް ހެދެމުން އަންނަ ހަތާތައް ބަލިކޮށްލާ ދެރަކޮށްލައެވެ. އަދި ޖަރާސީމު ގަދަވެގަނެ، ފާރުކޮޅު ނުބައިކޮށްލާ ދޮސްލުންފަދަ ކަންކަމް މެދުވެރިވެއެވެ.
މޫދަށް އެރުމާއި އެކު، ފާރުކޮޅެއްގެ ހާލަތު ގޯސްވުމުން، އެފާރުކޮޅެއް ލޮނުވިހަވީއޭ ބުނެވެނީ މިހެން ވެގެންނެވެ. އެއީ ކޮންމެހެން ލޮނު ފެނުގެ ސަބަބުން ވާ ކަމެއްގެ ވާހަކައެއް ނޫނެވެ. މާތުރަ، ދަންނައެވެ! މޫދު ލޮނަށް ވިހަވާ މީހުންވެސް އުޅެއެވެ. ނަމަވެސް އެ ހާލަތަކީ އެއީ އެލާޖިކު ވުމެކެވެ. އެއީ ކޮންމެ ކޮންމެ މީހަކަށް ދިމައިވެދާނެ ހާލަތެއް ނޫނެވެ. ނަމަވެސް މޫދަށް އެރިއުޅުމުގައި، ފާރުކޮޅެއްގައި ޖަރާސީމެއް އަށަގަތުމަކީ ހަމަ ކޮންމެ މީހަކަށްވެސް ކުރިމަތިވެދާނޭ ކަމެކެވެ.
ހަވާލާ: ޑރ. ލެރީ ބަޑްއޯރް، ވޮލްޓަރސް ކުލްވާ 2023