ށ. ނަރުދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އެއްގަމުތޮށީގެ ބްލޮކް ޖެހުމުގެ މަސައްކަތް ފަށާފައިވާ ކަމަށް އެމްޓީސީސީ އިން ބުނެފިއެވެ.
އަދި، މިހާރު ކުރިއަށްދާ އައު ހާބަރ ބޭސިން ފުންކުރުމުގެ މަސައްކަތުގެ 23 އިންސައްތަ ފުރިހަމަކުރެވިފައިވާ ކަމަށް ވެސް އެމްޓީސީސީ އިން ބުނެއެވެ.
ނަރުދޫ ބަނދަރު ތަރައްޤީކުރުމުގެ މަޝްރޫޢުގެ ދަށުން، 51،212 ކިއުބިކް މީޓަރުގެ ސަރަހައްދެއްގައި ބަނދަރު ފުންކުރުމާއި، 4،120 ކިއުބިކް މީޓަރުގެ ސަރަހައްދެއްގެ ނެރު ފުންކުރުމާއި 371 މީޓަރު ދިގުމިނުގައި ކަނޑުތޮށިލުމާއި، 205 މީޓަރުގެ ސަރަހައްދެއްގައި ރިވެޓްމެންޓް ޖަހައި އެ ސަރަހައްދު ހިމާޔަތްކުރުމާއި، 210 މީޓަރުގެ އެއްގަމުތޮށި ތަރައްޤީކުރުމާއި، 955 އަކަމީޓަރުގެ ބަނދަރު ޕޭވްމަންޓް ހަރުކުރުމާއި، ރޭމްޕެއް ހެދުމާއި، ބަނދަރު ބައްތި ހަރުކުރުމުގެ މަސައްކަތް ހިމެނެއެވެ.
މިއީ 41.34 މިލިއަން ރުފިޔާގެ މަޝްރޫޢުއެކެވެ.