އަޅުގަނޑުމެންގެ ސްމާޓްފޯނުތަކަކީ އަޅުގަނޑުމެންގެ ދިރިއުޅުމުގެ މުހިންމު ބަޔަކަށް ވެފައި، އަޅުގަނޑުމެންގެ މުވާސަލާތީ ވަސީލަތްތަކާއި، މުނިފޫހިފިލުވުމުގެ ކަންކަމާއި، އަމިއްލަ ގިނަބޭނުންތަކަށް ޚިދުމަތްކުރާ އެއްޗެކެވެ. އަޅުގަނޑުމެން މުޅި ދުވަހު އެތައް މަސައްކަތެއް ކުރުމަށް ފޯނަށް ބަރޯސާވެ، ނަތީޖާއެއްގެ ގޮތުން ގިނަ ފަހަރަށް ހިރަފުހާއި ލޮލަށްނުފެންނަ ކުނި ޗާޖިންގ ޕޯޓްތަކަށް ޖަމާވެއެވެ. އަޅުގަނޑުމެންގެ ފޯނުތަކުގެ ސްކްރީނާއި ކޭސްތައް ގަވާއިދުން ސާފުކުރި ކަމުގައި ވިޔަސް، ގިނަ ފަހަރަށް ސާފުނުކުރެވޭ އެއް ތަނަކީ ޗާޖިން ޕޯޓެވެ. ޗާޖިން ޕޯޓަކީ އަޅުގަނޑުމެންގެ ޑިވައިސްތަކަށް ކަރަންޓް ދިނުމާއި ޑޭޓާ ޓްރާންސްފާ ކުރުމުގައި ބޭނުންކުރާ ވަރަށް މުހިންމު ބައެކެވެ. މި ލިޔުމުގައި ފޯނުގެ ޗާޖިން ޕޯޓް ގަވާއިދުން ސާފުކުރަންވީ ސަބަބުތަކަށް ބަލާލާ ހަޑިވެފައިވާ ޗާޖިންގ ޕޯޓެއްގެ ސަބަބުން ދިމާވެދާނެ މައްސަލަތަކަށް ބަލާލާ ފައިދާހުރި ގޮތެއްގައި ސާފުކުރެވޭނެ ގޮތުގެ އިރުޝާދުތައް ފޯރުކޮށްދޭނަމެވެ.
ރަނގަޅަށް ފޯނު ޗާޖުކުރެވުން
ހަޑި ވެފައިވާޗާޖިން ޕޯޓަކީ ފޯނުޗާޖު ކުރުމުގައި ހުރަސްއެޅިދާނެ ކަމެކެވެ. ދުވަސް ވަމުންދާ ވަރަކަށް ޕޯޓުގައި ހިރަފުސް، ކުނޑި، އަދި ކުނި ޖަމާވެ، ޗާޖިން ކޭބަލާއި ޗާޖިން ޕޯޓާ ގުޅުމަށް ހުރަސްއެޅިދާނެ އެވެ. މިކަމުގެ ސަބަބުން ޗާޖުވުން މަޑުޖެހި، މެދުކެނޑުމެއްނެތި ޗާޖުވުން، ނުވަތަ އެއްގޮތަކަށްވެސް ފޯނު ޗާޖު ނުކުރެވުން ފަދަ ކަންކަން މެދުވެރިވެދާނެ އެވެ. ޗާޖިން ޕޯޓް ސާފުކުރުމުން ސާފު އަދި ރައްކާތެރި ކަނެކްޝަނެއް ކަށަވަރުވެ، ޑިވައިސް ރަނގަޅަށް އަދި ފައިދާހުރި ގޮތެއްގައި ޗާޖު ކުރެވޭނެ އެވެ.
މާބޮޑަށް ފޯނު ހޫނުވުން ހުއްޓުވުން:
ޗާޖިން ޕޯޓްގައި ހިރަފުސް ހިފާ ހަޑިވެފައި ހުރުމުން ރަނގަޅަށް ވައި ދައުރުވުން ހުއްޓުވައި، ޗާޖު ކުރާއިރު ހޫނު ޖަމާވުން އިތުރުވެދާނެ އެވެ. ދުވަސްވަމުން ދާއިރު މި ހޫނުގެ ސަބަބުން ފޯނުގެ އެތެރޭގެ ބައިތަކަށް ގެއްލުން ލިބިޭއިރު އޭގެ ތެރޭގައި ބެޓެރީ ވެސް ހިމެނެއެވެ. ގަވާއިދުން ޗާޖިން ޕޯޓް ސާފުކުރުމުން ވައިދައުރުވުން ރަނގަޅުވެ، މާ ހޫނުވުން ހުއްޓުވައި، ޑިވައިސްއަށް ގެއްލުން ލިބުމުގެ ނުރައްކާ ކުޑަވެގެންދެއެވެ.
ގުޅުމުގެ މައްސަލަތަކުން ދުރުހެލިވުން:
ހަޑި ޗާޖިން ޕޯޓެއްގެ ސަބަބުން ފޯނާއި ކޮމްޕިއުޓަރު ނުވަތަ ހެޑްފޯން ފަދަ އެހެން ޑިވައިސްތަކާ ގުޅުމުގެ މައްސަލަތައް ދިމާވެދާނެ އެވެ. ޗާޖިން ޕޯޓުގައި ހިރަފުސް ނުވަތަ ކުނިތައް ހުރުމަކީ ޑޭޓާ ޓްރާންސްފާއަށް ހުރަސްއެޅި، އޭގެ ސަބަބުން ކަނެކްޝަން ބަލިކަށި ވުންއެކަށީގެންވެއެވެ. ޗާޖިން ޕޯޓް ސާފުކޮށް ބެހެއްޓުމުން، އެހެން ޑިވައިސްތަކާރަނގަޅު ގުޅުން ކަށަވަރުކޮށްދީ، ޖުމްލަ ޔޫޒަރ އެކްސްޕީރިއަންސް އިތުރުވެގެންދެއެވެ.
ޑިވައިސް ގިނަދުވަހު ބޭނުންކުރެވޭ:
ޑިވައިސް ރަނގަޅަށް ބެލެހެއްޓުމަކީ ޑިވައިސްގެ އުމުރު ވަރަށް ބޮޑަށް ދިގުކޮށްދޭނެ ކަމެކެވެ. ގަވާއިދުން ޗާޖިން ޕޯޓް ސާފުކުރުމަކީ ހިރަފުހާއި ކުނިތަކުގެ ސަބަބުން ޑިވައިސްއަށް ލިބިދާނެ ގެއްލުންތަކުން ރައްކާތެރިވުމަށް ފަސޭހަ އަދި ފައިދާހުރި ގޮތެކެވެ. މާ ހޫނުވުމާއި ޗާޖިން ދަށްވުން ފަދަ މައްސަލަތައް ހުއްޓުވައިގެން ފޯނުގެ އެތެރޭގެ ބައިތަކާއި ޖުމްލަ މަސައްކަތް ރައްކާތެރިކޮށްދިނުމުގައި އެހީތެރިވެދީ، ގިނަދުވަހު ބޭނުންކުރުމަށް މަގުފަހިކޮށްދެއެވެ.
އޯޑިއޯ ކޮލިޓީ ރަނގަޅުކުރުން:
ބައެއް ސްމާޓްފޯނުތަކުގައި ޗާޖިން ޕޯޓަކީ ހެޑްފޯން ނުވަތަ ސްޕީކަރުގެ އޯޑިއޯ ޕޯޓެއްގެ ގޮތުގައި ވެސް ހިދުމަތް ކުރާ އެއްޗެކެވެ. ހަޑި ޗާޖިން ޕޯޓަކީ އޯޑިއޯ ޑިވައިސް އާއި ފޯނާ ދެމެދު އޮންނަ ގުޅުމަށް ހުރަސް އަޅައި އޯޑިއޯ ކޮލިޓީ ދަށްވެދާނެ ކަމެކެވެ. ޗާޖިން ޕޯޓް ސާފުކުރުމަކީ މިއުޒިކް އަޑުއަހާ ނުވަތަ ފޯނު ކޯލް ކުރިޔަސް ސާފު އަދި މެދުކެނޑުމެއްނެތި ރަނގަޅު އޯޑިއޯ ތަޖުރިބާއެއް ކަށަވަރު ކުރުމަށް އެހީތެރިވެދޭނެ ކަމެކެވެ.
ސާފުތާހިރުކަން ދެމެހެއްޓުން:
އަޅުގަނޑުމެންގެ ސްމާޓްފޯނުތައް މުޅި ދުވަހު އެކި ސަރަހައްދުތަކާއި މާހައުލުތަކުގައި ގެންގުޅޭއިރު ޖަރާސީމާއި ބެކްޓީރިއާ އަށް ހުށައެޅުމަށް ފަސޭހަވެގެންދެއެވެ. ދިރާސާތަކުން ދައްކާ ގޮތުގައި އަހަރެމެންގެ ފޯނުތަކުގައި ފާޚާނާ ސީޓަކަށް ވުރެ ގިނަ ބެކްޓީރިއާ އެކުލެވިގެންވެ އެވެ. ޗާޖިން ޕޯޓް ސާފުކުރުމަކީ ހަމައެކަނި ޑިވައިސްގެ ފަންކްޝަނަލިޓީއަށް މުހިންމު ކަމެއް ނޫން ކަމަށާއި ރަނގަޅު ސާފުތާހިރުކަން ބެހެއްޓުމަށް ވެސް މުހިންމު ކަމެކެވެ. ގަވާއިދުން ސާފުކުރުމަކީ ހިރަފުހާއި ކުނި އަދި ބެކްޓީރިއާ ޖަމާވުން ނައްތާލައި، އަތަށް ނުވަތަ މޫނަށް ޖަރާސީމު ބަދަލުވުމުގެ ނުރައްކާ ކުޑަކޮށްދޭ ކަމެކެވެ.
ފޯނުގެ ޗާޖިން ޕޯޓް ސާފުކުރުމަށް ދޭންޖެހޭ އިރުޝާދުތައް:
މިއީ ފޯނުގެ ޗާޖިން ޕޯޓް ސާފުކުރުމަށް ކުރެވިދާނެ ބައެއްކަންކަމެވެ.
ފޯނު ސާފުކުރުމުގެ ކުރިން ފޯނު ނިއްވާލުމަށްފަހު އެއްވެސް ޗާޖިން ކޭބަލެއް ނުވަތަ އެކްސެސަރީއަކުން ފޯނު ކަނޑާލާށެވެ.
ޗާޖިންގ ޕޯޓުން ހިރަފުސް ނުވަތަ ކުނި ފޮޅާލުމަށް ކޮމްޕްރެސްޑް އެއާ ދަޅު ބޭނުން ކުރާށެވެ.
ޗާޖިންގ ޕޯޓަށް ކުޑަ، ސާފު، އަދި ހިކި ބުރުހެއް (ސާފު ދަތްއުނގުޅާ ބުރުހެއް ނުވަތަ މަޑު ބުރުހެއް ފަދަ) މަޑުމަޑުން ވައްދާށެވެ. ޕޯޓުގެ އެތެރެ މަޑުމަޑުން ބުރުސް ބޭނުންކޮށްގެން ކުނި އަދި ހިރަފުސް ނައްތާލާށެވެ. މާބޮޑަށް ޕްރެޝަރު ނުކުރުމަށް ނުވަތަ ޕޯޓަށް ގެއްލުން ލިބިދާނެ ތޫނު އެއްޗެއް ބޭނުން ނުކުރުމަށް ސަމާލުކަން ދޭށެވެ.
ބޭނުންނަމަ ކޮޓަން ބަޑް ނުވަތަ މައިކްރޯފައިބަރ ފޮތިގަނޑެއް އައިސޯޕްރޮޕައިލް އަލްކޮހޯލް (މަދުވެގެން %70 ކޮންސެންޓްރޭޝަން) އިން ތެންމާލާށެވެ. ޗާޖިންގ ޕޯޓުގެ އެތެރެ މަޑުމަޑުން ސާފުކޮށް، ބާކީ ހުރި ހިރަފުސް ނުވަތަ ބާކީ ހުރި ތަންތަން ސާފުކޯށްލާށެވެ. ފޯނު ޗާޖު ކުރަން އުޅުމުގެ ކުރިން ޕޯޓް މުޅިން ހިކިފައި ހުރިތޯ ޔަގީން ކުރަން ޖެހޭނެއެވެ.
ގަވާއިދުން ޗާޖިންގ ޕޯޓުގައި ގެއްލުމުގެ އަލާމާތްތަކެއް ހުރިތޯ ބަލާށެވެ. އެއްވެސް ގެއްލުމެއް ފެނިއްޖެނަމަ މަރާމާތު ނުވަތަ ބަދަލުކުރުމަށް ޕްރޮފެޝަނަލް ޓެކްނީޝަނަކާ މަޝްވަރާ ކުރުމަކީ އެންމެ ރަނގަޅު ގޮތެވެ.
ފޯނުގެ ޗާޖިން ޕޯޓް ސާފުކުރުމަކީ ޑިވައިސްގެ ފަންކްޝަނަލިޓީއާއި ދިގު އުމުރު ދެމެހެއްޓުމަށް ކޮންމެހެން ކުރަންޖެހޭ ކަމެކެވެ. ގަވާއިދުން ޗާޖިން ޕޯޓް ސާފުކުރުމުން ފައިދާހުރި ޗާޖިން ޔަގީންކޮށް، ހޫނުވުން ހުއްޓުވައި، ކަނެކްޝަންގެ މައްސަލަތަކުން ސަލާމަތްވެ، ފޯނުގެ އުމުރު ދިގުކޮށް، އޯޑިއޯ ކޮލިޓީ ރަނގަޅުކޮށް، ރަނގަޅު ސާފުތާހިރުކަން ކުރިއެރުވޭނެ އެވެ. މި ލިޔުމުގައި ދީފައިވާ އިރުޝާދުތަކަށް އަމަލުކޮށްގެން ފޯނުގެ ޗާޖިން ޕޯޓް ރައްކާތެރިކަމާއެކު އަދި ފައިދާހުރި ގޮތެއްގައި ސާފުކޮށްލާށެވެ. މި މެއިންޓެނަންސް ޓާސްކް ރޫޓިންގައި ހިމަނައިގެން ޔޫޒަރ އެކްސްޕީރިއަންސް ރަނގަޅުވެ، ސްމާޓްފޯނަށް ކުރާ ހަރަދު ރައްކާތެރި ކުރެވޭނެ އެވެ.