ބޭސްފަރުވާގެ ކަންކަމުގައި ދައުލަތުގެ އެހީތެރިކަމަށް އެދުމުގެ މަގު ފަސޭހަކުރުމުގެ ގޮތުން އާސަންދަ ކުންފުނިން "މައި އާސަންދަ" ވެބް ޕޯޓަލް ތަޢާރަފްކޮށްފިއެވެ.
އެގޮތުން، އާސަންދަ ސްކީމުގެ ތެރެއިން ރާއްޖެއިން ބޭރުން ފަރުވާ ހޯދުމަށް ޑޮކްޓަރު ފުރައިދޭ ރެކޮމެންޑޭޝަން ފޯމް މި އޮގަސްޓް މަހުގެ 15 ވަނަ ދުވަހުން ފެށިގެން ބަލައިގަންނާނީ ހަމައެކަނި "މައި އާސަންދަ" ޕޯޓަލް މެދުވެރިކޮށެވެ.
"މައި އާސަންދަ" ޕޯޓަލްގެ ތެރެއިން ލިބޭނެ ޙިދުމަތްތަކުގެ ތެރޭގައި:
އާސަންދަ ސްކީމުގެ ތެރެއިން ރާއްޖެއިން ބޭރުން ފަރުވާ ހޯދުމަށް ހުށަހަޅަންޖެހޭ ރެކޮމެންޑޭޝަން ފޯމް ޑޮކްޑަރުންނަށް ޕޯޓަލްގެ ތެރެއިން ފުރައިދެވޭނެ.
އާސަންދަ ސްކީމްގެ އިތުރުން ވެލްފެއަރގެ އެހީތެރިކަމަށް އެދި އާސަންދަ ފްރަންޓް އޮފީހަށް ނުވަތަ އެހެން މަރުކަޒެއްގައި ހުރި ވިރަ ކައުންޓަރަކަށް ދިއުމުގެ ބަދަލުގައި ހުށަހަޅަންޖެހޭ ހުރިހާ ލިޔެކިޔުންތަކެއް "މައި އާސަންދަ" ޕޯޓަލް މެދުވެރިކޮށް އޮންލައިންކޮށް ހުށަހެޅޭނެ.
އެޕްލިކޭޝަން ސްޓޭޓަސް ކޮންމެ ވަގުތަކުވެސް ޕޯޓަލުން ބަލާލެވޭނެ.
އެޕްލިކޭޝަން ކުރިއަށް ގެންދިއުމަށް އިތުރު ލިޔެކިޔުން ބޭނުންވާނަމަ، ޕޯޓަލްގެ ތެރެއިން ހުށަހެޅޭނެ.