32 ވަނަ ގައުމީ ކެރަމް މުބާރާތުގެ ޑިޖިޓަލް ޕާޓްނަރަކަށް ދިރާގު ހަމަޖައްސައިފިއެވެ.
މިއަދު ފަށާ މި ފަހަރުގެ ގައުމީ ކެރަމް މުބާރާތުގައި ހުރިހާ އިވެންޓެއްގައި ގާތްގަނޑަކަށް 200 އެއްހާ ކުޅުންތެރިން ވާދަކުރާނެ އެވެ.
އެހެން އަހަރުތަކެކޭ އެއްގޮތަށް މި ފަހަރުގެ ގައުމީ މުބާރާތުގައި ވެސް ދެ ޑިވިޝަނަށް ބަހާލައިގެން ކުރިއަށްގެންދިއުމަށް ވަނީ ހަމަޖެހިފައެވެ. މި މުބާރާތުގެ މެޗުތައް ކުރިއަށްގެންދިއުމަށް ހަމަޖެހިފައިވަނީ ހުޅުމާލެ ސްޕޯޓްސް ކޮމްޕްލެކްސްގައި ހުންނަ ކެރަމް އެރީނާ ގައެވެ.
އެގޮތުން، މިއަދުން ފެށިގެން މި މަހުގެ 12 ގެ ނިޔަލަށް ދެވަނަ ޑިވިޝަނުގެ އަންހެން އަދި ފިރިހެން ޑަބަލްސް އިވެންޓްގެ އިތުރުން މިކްސް ޑަބަލްސް އަދި ސިންގަލްސް މެޗުތައް ކުރިއަށްގެންދިއުމަށް ހަމަޖެހިފައިވާއިރު، ފުރަތަމަ ޑިވިޝަނުގެ މެޗުތައް ފެށުމަށް ހަމަޖެހިފައިވަނީ މި އޯގަސްޓް މަހުގެ 13 ގައެވެ.
ރާއްޖޭގެ ކުޅިވަރުގެ ދާއިރާ އިތުރަށް ހަރުދަނާ ކުރުމަށާއި އަދި އެ ދާއިރާގައި ޝާމިލްވާ ފަރާތްތަކަށް އިތުރު ފުރުސާތުތައް ފަހިކޮށްދޭ މިފަދަ އިވެންޓްތަކަށް ދިރާގުން އަބަދުވެސް އަންނަނީ އެއްބާރުލުންދެމުންނެވެ.