ނ. މާޅެންދޫ ގޮނޑުދޮށް ހިމާޔަތް ކުރުމާއި ޖެޓީ ހެދުމުގެ މަޝްރޫޢު ފެށުމަށްޓަކައި މި ސެޕްޓެންބަރު މަހުގެ 8 ވަނަ ދުވަހު ޕްރޮޖެކްޓް ސައިޓް މޮބިލައިޒްކުރެވިފައިވާ ކަމަށް އެމްޓީސީސީ އިން ބުނެފިއެވެ.
މާޅެންދޫ ގޮނޑުދޮށް ހިމާޔަތް ކުރުމާއި ޖެޓީ ހެދުމުގެ މަޝްރޫޢުގެ ދަށުން، 9،735 ކިއުބިކް މީޓަރުގެ ސަރަހައްދެއްގެ ހާބަރ ބޭސިން ފުންކުރުމާއި، 73 މީޓަރުގެ ގްރޮއިންޖެހުމާއި، 386 މީޓަރުގެ ރިވެޓްމެންޓް ޖެހުމާއި، 175 މީޓަރުގެ ޖިއޯބޭގް ރިވެޓްމެންޓް ޖެހުމާއި، 47 މީޓަރުގެ އެއްގަމުތޮށި ލުމަށް ހަމަޖެހިފައިވެއެވެ.
އަދި 30 މީޓަރު ދިގު 4 މީޓަރު ފުޅާ ބްރިޖެއް ހެދުމާއި، ޖެޓީއެއް ހެދުމާއި، 928 އަކަ މީޓަރުގެ ޕޭވްމަންޓް ހެދުމާއި، ބަނދަރު ބައްތި އާއި މޫރިންގ ބޯއީސް ހަރުކުރުމުގެ މަސައްކަތް ހިމެނެއެވެ.
މިއީ 32.34 މިލިއަން ރުފިޔާގެ މަޝްރޫޢެކެވެ.