ޖޯން ލެޖެންޑް އާއި ކްރިސީ ޓައިގަން ދާދި ފަހުން ވަނީ އެމީހުންގެ ކައިވެނީގެ 10 ވަނަ އަހަރީ ދުވަސް ފާހަގަ ކުރުމުގެ ގޮތުން ވައުދު އާކޮށްފަ އެވެ. އިޓަލީގެ ލޭކް ކޮމޯގެ ރީތި ސެޓިންގްގައި ސެޕްޓެމްބަރު 14، 2013 ގައި ފުރަތަމަ ވައުދު ބަދަލުކުރި މި ދެމަފިރިން އެނބުރި މި ރީތި ތަނަށް އައީ ކައިވެނި އަލުން އާލާކުރުމަށެވެ. އެ ދެމަފިރިންގެ ގާތް މީހަކު ވަނީ މި އުފާވެރި ހަރަކާތާ ބެހޭ ގޮތުން މީޑިޔާ ތަކާއި ހާއްސަ ތަފްސީލުތައް ހިއްސާކޮށްފަ އެވެ.
އަހަރީ ދުވަސް ފާހަގަކުރުމުގެ ހަރަކާތް ފެށިގެން އައީ މީގެ ދިހަ އަހަރު ކުރިން ޖޯން އާއި ކްރިސީ ދެމަފިރިންގެ ގޮތުގައި ދަތުރު ފެށި ވިލާ ޕިޒޯގައި ރީތި ބްރަންޗަކުންނެވެ. އެ ދެމީހުން އެތަނަށް ވަދެގެން އައީ ބޯޓެއް ގައި ކަމަށާއި އެ މަންޒަރުވެގެން ގޮސްފައިވަނީ ވަރަށް ރޮމެންޓިކް އަދި ނޭވާ ހިފަހައްޓާލަން ޖެހޭ މަންޒަކަށް ކަމަށް އެ މީހާ ބުނެފައިވެއެވެ.
އެދުވަހުގެ މުހިންމު އިވެންޓަކަށް ވެގެން ގޮސްފައި ވަނީ ޖޯން އާއި ކްރިސީގެ ވައުދު އާކުރުމުގެ ރަސްމިއްޔާތެވެ. އެ ދެމަފިރިން ބެލްކަނީއަކުން މެހެމާނުންނާ ސަލާމް ކުރިއިރު ޖޯން ވަނީ ރޭގަނޑުގެ ކެއުމަށްފަހު ހިތުގެ އަޑިން ވާހަކަތަކެއް ދައްކާފައެވެ.
ޖޯން ލެޖެންޑް އާއި ކްރިސީ ޓައިގަންގެ ކައިވެނީގެ 10 ވަނަ އަހަރީ ދުވަހުގެ އާކުރުމުގެ ހަފްލާއިން އެމީހުންގެ ދިގުދެމިގެންދާ ލޯބި އަލުން ކަށަވަރުކޮށްދިނުމުގެ އިތުރުން އެކުގައި ކުރި ރީތި ދަތުރު ހަނދާންކޮށްދޭނެކަމަށް އެ މީހުން ވަނީ ފާހަގަ ކޮށްފައެވެ.