ދިރާގުގެ 35 ވަނަ އަހަރީ ދުވަސް ފާހަގަކުރުމުގެ ގޮތުން ކަސްޓަމަރުންނަށް ވަރަށް ހާއްސަ އޮފާތަކެއް ތަޢާރަފްކޮށްފިއެވެ.
މި އޮފާތައް އިޢްލާންކޮށް، ތަޢާރަފްކުރީ މިއަދު ދިރާގު ހެޑްއޮފީހުގައި ބޭއްވި ހާއްސަ ނޫސްވެރިންގެ ބައްދަލުވުމެއްގައެވެ.
ނޫސްވެރިންގެ ބައްދަލުވުމުގައި ވާހަކަދައްކަވަމުން ދިރާގުގެ ޗީފް ކޮމާޝަލް އޮފިސަރު، އަލީ ރިޔާޒު ވަނީ މިދިޔަ އަހަރުތަކުގައި ކަސްޓަމަރުން އެ ކުންފުންޏަށް ކޮށްފައިވާ އިތުބާރާއި، ދީފައިވާ ޔަގީންކަމަށް ޝުކުރު އަދާކުރައްވާފައެވެ.
“30 އަހަރަށްވުރެ ގިނަ ދުވަހުގެ ޚިދުމަތުގެ އުފާ ފާޅުކުރާއިރު، އަޅުގަނޑުމެންގެ ހުރިހާ ކަސްޓަމަރުންނާއި ޕާޓްނަރުންނާއި ހިއްސާދާރުންނަށް އަޅުގަނޑުމެންނާއެކު ތިބެ، އެމީހުންގެ ޑިޖިޓަލް ދަތުރުގައި އަޅުގަނޑުމެން ހޮވި ކަމަށްޓަކައި އަޅުގަނޑު ޝުކުރު އަދާކުރަން. ދިރާގުން ޑިޖިޓަލް ރާއްޖެއެއް ބިނާކޮށް، ޤައުމު ކުރިއެރުވުމަށް އަޅުގަނޑުމެން ކުރި މަސައްކަތުގައި މެދުނުކެނޑުމެއްނެތި މި އެއްބާރުލުން ނުލިބުނު ނަމަ އެކަންތައް ހާސިލްނުވީސް،” އަލީ ރިޔާޒު ވިދާޅުވިއެވެ.
ޑިޖިޓަލް ކޮމިއުނިޓީތައް ބާރުވެރިކުރުމަށް އެކުންފުނިން ކުރާ ޙިއްޞާތަކަށް އަލިއަޅުވާލައްވަމުން ދިރާގުގެ ޑިރެކްޓަރ ބްރޭންޑް އެންޑް މާކެޓިންގ ކޮމިއުނިކޭޝަންސް، މުޙައްމަދު މިރުޝާން ހަސަން ވިދާޅުވީ، "މިދިޔަ އަހަރުތަކުގެ ތެރޭގައި ދިރާގުން ވަނީ ފުޅާ ދާއިރާއެއްގައި ހިމެނޭ އެ އަޅުގަނޑުމެންގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ޕްރޮގްރާމް މެދުވެރިކޮށް ޒިންމާދާރު ކޯޕަރޭޓް ގަވަރނަންސްގެ ލީޑަރެއްގެ ގޮތުގައި މަސައްކަތް ކުރައްވާފައިކަމަށެވެ."
35 ވަނަ އަހަރީ ދުވަސް ފާހަގަކުރުމުގެ ގޮތުން ދިރާގުން މިއަދު ތަޢާރަފްކުރި ތިން އޮފާ އަކީ؛
ރީލޯޑް ބޮނަންޒާ: ދިރާގު އެޕް މެދުވެރިކޮށް ކުރާ ކޮންމެ 50 ރުފިޔާ ނުވަރަ އެއަށްވުރެ މަތީގެ ރީލޯޑަކަށް ޕްރީޕެއިޑް ކަސްޓަމަރުންނަށް 35ޖީބީ އާ ހަމައަށް ހިލޭ ބޯނަސް މޮބައިލް ޑޭޓާ ލިބޭ އޮފާއެއް. 24 ގަޑިއިރަށް ލިބޭ މި ހިލޭ ޑޭޓާ، ކަސްޓަމަރުންނަށް ރިޑީމް ކުރެވޭނެ ކަމަށާއި، ދިރާގު އެޕް މެދުވެރިކޮށް ހޯދޭނެ.
ހިލޭ ރައުޓަރު އަޕްގްރޭޑް ކުރެވުން: ހުރިހާ ކަސްޓަމަރުންނަށް ރަނގަޅު ހޯމް އިންޓަނެޓް ލިބޭނެ ގޮތް މަގުފަހިކޮށްދިނުމުގެ ގޮތުން ޝަރުތުހަމަވާ ހުރިހާ ފަރާތްތަކަށް މިހާރު ބޭނުންކުރަމުންދާ ރައުޓަރު ހިލޭ އަޕްގްރޭޑް ކުރުމުގެ ފުރުޞަތު ލިބިގެންދާނެ. މި ޙިދުމަތަށް ޝަރުތުހަމަވޭތޯ ދިރާގު އެޕް މެދުވެރިކޮށް ޗެކް ކުރެވޭނެ.
ދިރާގު އީ-ޒޯން: މުޅިން އަލަށް ތަޢާރަފްކުރާ ދިރާގު އީ-ޒޯން ޕްލެޓްފޯމާއެކު ކަސްޓަމަރުންނަށް ފަސޭހަކަމާއެކު ތަފާތު ކޮންޓެންޓް ސަބްސްކްރައިބްކޮށް، ގޭމިން އަދި މުނިފޫހިފިލުވުމާ ގުޅުންހުރި ގިނަ ހިދުމަތްތަކެއް އެއްތަނަކުން ލިބިގެންދާނެ. މި ޕްލެޓްފޯމް އަލަށް ލޯންޗްކުރުމުގެ އޮފާއެއްގެ ގޮތުން ކަސްޓަމަރުންނަށް އޮކްޓޫބަރު މަހުގެ ނިޔަލަށް ކޮންމެ ހަފްތާއަކު ހިލޭ މިނީ ގޭމް ސަބްސްކްރިޕްޝަންތަކެއް ލިބޭނެ.
އަދި ކުރިއަށް އޮތް ތާނގާއި ޕްލެޓްފޯމަށް އައު ކޮންޓެންޓާއި ފީޗާސްތައް އިތުރުކުރެވޭނެ ކަމަށް ދިރާގުން ބުނެއެވެ. ދިރާގު އެޕް މެދުވެރިކޮށް ކަސްޓަމަރުންނަށް ދިރާގު އީ-ޒޯން އަށް ވަދެވޭނެ އެވެ.
މި ޕްރޮމޯޝަންތަކުގެ އިތުރުން މި މަހުގެ ތެރޭގައި ދިރާގުން އިތުރު އޮފާތައް ކަސްޓަމަރުންނަށް ތަޢާރަފްކުރާނެ ކަމަށް ވަނީ ބުނެފައެވެ.
ދިރާގުން ބުނީ، އެ ކުންފުނިން އަބަދުވެސް މަސައްކަތްކުރާނީ ރާއްޖޭގެ ޑިޖިޓަލް ޓްރާންސްފޮމޭޝަން ދަތުރުގެ އެންމެ ކުރީ ސަފުގައި ދެމިއޮވެ، ގައުމުގެ އެންމެންގެ މުއްސަނދިކަން އިތުރުކޮށްދީ، ދިރިއުޅުމަށް ފުރިހަމަކަން ގެނެސްދިނުމަށް ކަމަށެވެ.