ދިވެހި އަދަބީ ބަސްތަކުގެ ތެރެއިން ވިދާހާ އެއްޗެއް ރަނަކަށް ނުވާނޭ ބުނާ ބަހަކީ މުސްކުޅި ބަހެކެވެ.

މިބަހުގެ ބަހަވީ މާނައަށް ބަލާލާއިރު މި ބަހުގައި މި ބުނެވެނީ ވިދާ އެއްޗެއްގެ ވާހަކައެވެ. ރަނަކީ އޭގައި އޭގައި އަލިގަދަ ވަރުގަދަ ވިދުމެއް ހުންނަ ނުވަތަ ދަޅައެއް ހުންނަ އެއްޗެކެވެ. އެހެންކަމުން އެފަދަ ވިދުވަރެއް ހުންނަ އަދި ކޮންމެ އެއްޗަކީ ފަހަރުގައި ރަންގަނޑެއް ކަމަށް ނުވެދާނެއެވެ. އެހެން އެއްޗެއްގައިވެސް ހަމަ އެފަދަ ދަޅައެއް ނުވަތަ ވިދުމެއް ހުރެދާނެއެވެ.

މިބަހުގެ މުސްކުޅި މާނައިގާ މި ބުނަނީ ބޭރުފުށުން ފެންނަ ކުލަވަރަކީ އަދި އެ އެއްޗެއްގެ ހަގީގަތް ނޫންކަމެވެ. ބޭރުފުށުން ދައްކާ ކުލަވަރާ މަންޒަރު އޭގެ އެތެރެ ފުށުގައި ނުހުރެދާނެ ވާހަކައެވެ. އަދި މީހަކުވެސް އެހެން މީހުންގެ ކުރިމަތީގައި އުޅޭ ގޮތަކުން އެމީހެއްގެ އަސްލު ސިފަ ނޭނގިދެއެވެ. މީހުންގެ ތެރޭގައި މާ ހެޔޮކޮށް އުޅުނެއް ކަމަކު، އަސްލުގައި އެމީހަކީ ވިޔާނުދާ މީހެއް ކަމުގައިވެސް ވެދާނެއެވެ. 

ވިދާހާ އެއްޗެއް ރަނަކަށް ނުވާނޭ ބުނަނީ މިފަދަ ހާލަތްތަކަށެވެ.