ހުޅުމާލެ 3 ވަނަ ފިޔަވަހީގެ ފަޅުތެރޭގައި ހުރި އުޅަނދުތައް ނެގުމަށް އާބަންކޯ އިން އިލްތިމާސްކޮށްފިއެވެ.
އާބަންކޯ އިން ބުނީ، ހުޅުމާލެ 3 ވަނަ ފިޔަވަހި ހިއްކުމުގެ މަސައްކަތް ބާރު ދުވެލީގައި ކުރިއަށްދާއިރު ސައިޓް އޭ މިހާރު ހިއްކާ ނިމިފައިވާ ކަމަށެވެ.
މިއާއެކު، ސައިޓް ބީ ހިއްކުމުގެ މަސައްކަތް މިއަދު ފެށިފައިވާތީ އެ ސަރަހައްދުގެ ފަޅުތެރޭގައި އަޅާފައިވާ އުޅަނދުތައް ވީހާވެސް އަވަހަށް އެ ސަރަހައްދުން ނެގުމަށް އިލްތިމާސްކޮށްފައިވެއެވެ.
އެގޮތުން، ނެގޭ އުޅަނދުތައް އެ ސަރަހައްދުގެ ބޭރުގައި އެޅުމުގެ ފުރުޞަތު ފަހިކޮށްދީފައިވާނެ ކަމަށް ވެސް އާބަންކޯ އިން ބުނެއެވެ.
އާބަންކޯ އިން އިތުރަށް ބުނީ، އެ އުޅަނދުތަކުގެ ވެރިފަރާތެއްވާނަމަ އެ ކުންފުނީގެ ހޮޓްލައިން 1516 އަށް ގުޅުއްވައި މައުލޫމާތު ސާފުކުރެއްވުމަށްފަހު 22 އޮކްޓޫބަރު ވާ އާދީއްތަ ދުވަހުގެ ނިޔަލަށް އެ އުޅަނދުތައް އެ ސަރަހައްދުން ނެގުމަށެވެ.