"މިހުރީ އަދި ހަނދާން ނެތިފައެވެ!" މިއީ އަހަރެމެންގެ ތެރެއިން ގިނަބަޔަކު މިއަދު ބުނާ ޖުމުލައެކެވެ. ސަބަބަކީ ހަމަ ހަގީގަތުގައިވެސް ހަނދާން ނެތެނީއެވެ. ދެން އޮތީ ހަނދާން ނެތެނީ ކޮން ކަމެއް ތޯ އާއި ހަނދާން ނެތެނީ ކީއްވެގެންތޯ އުފެދޭ ސުވާލެވެ.
ގޭގައި އުޅެފައި ގެއިން ބޭރަށް ދާ ވަގުތު، ގޭތެރޭގައި ހުންނަ އަނބި މީހާ ނުވަތަ ދަރިފުޅު، ކޮންމެވެސް ކަމަކު ބުނެއެވެ. އެއްޗެއް ގެނައުމަށް ނުވަތަ ތަނަކަށް ދިއުމަށް ނުވަތަ އެއްޗެއް ބަލާލަދިނުމަށް އެދެއެވެ. "އާނ އޯކޭ!" ކިޔާފައި ދޮރުޖަހާފައި ނުކުމެގެން ގޮސް ސައިކަލު މައްޗަށް އަރާ ދުއްވާލައެވެ. އެއާއި އެކު ކަންފަތުގައި ހަރުލާފާ ހުރި އެ އަޑުތައް ވަޔާ ބޭރުވެގެން ދެއެވެ. ބޮލު ތެރެއަށް ރަނގަޅަކަށް ނުވަދެއެވެ. ސަބަބަކީ ސައިކަލަށް އަރާ، ދާން އެ ގަސްތުޅަ ތަނަކަށް އެ އިންސާނެއްގެ ޝައުގު މާ ބޮޑީއެވެ.
އާއްމުގޮތެއްގައި މިކަންކަން މިހެން ހިނގަނީ ވަޒީފާގެ ކަންކަމާ ހެދިއެވެ. އަމިއްލަ ވިޔަފާރީގެ ކަންތައް ގިނަ ކަމުންނެވެ. އަންހެނުން ވިޔަސް ދަރިފުޅުވިޔަސް އެ ބުނާ ބުނުމަކަށް މާ ބޮޑު އިޖާބައެއް ނުދެވެނީ އެއަށްވުރެ، ވަޒީފާ މުހިއްމު ވީމައެވެ. އެއަށްވުރެ އަމިއްލަ ވިޔަފާރިއާއި ފައިސާ އާއި މުދާވެރިކަން މުހިއްމު ވީމައެވެ.
ދަންނާށެވެ. ގެއިން ނުކުމެ ނުކުމެ ހުއްޓާ ބުންޏަކަސް އެ ބުނަނީ ހަނަ ކަމަކުއެވެ. އަންހެނުން ވިޔަސް ދަރިއަކުވިޔަސް އެ ބުނަނީ ކަމެއް ބޭނުން ވެގެންނެވެ. ހަމަ ހުރެވޭ ތުންތަޅުވައިގަންނަނީކީ ނޫނެވެ. އެ ބުނާ ބުނުން ތަކަކީ ހަނދާން ކުރަން ޖެހޭނެ ބުނުން ތަކެކެވެ. މިހުރީ އަދި ހަނދާން ނެތިފައޭ ބުނާނެ ކަމެއް ނެތެވެ. އަދި އެހެން ބުނެވޭކަށްވެސް ނޯންނާނެއެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން