ތިލަފުށި ދެ ވަނަ ފިޔަވަހި ހިއްކުމުގެ މަސައްކަތް ބާރު ދުވެލީގައި ކުރިއަށްދާ ކަމަށް އާބަންކޯ އިން ބުނެފިއެވެ.
އެގޮތުން، ތިލަފުށި ދެވަނަ ފިޔަވަހީގެ ބިން ހިއްކުމުގެ މަސައްކަތުގެ ތެރެއިން އޭރިއާ ބީ މިހާރު ހިއްކާ ނިމިފައިވާ ކަމަށް އާބަންކޯ އިން ބުނެއެވެ.
މިއާއެކު، މިހާރު ކުރިއަށްދަނީ އޭރިއާ އޭ ހިއްކުމުގެ މަސައްކަތް ކަމަށް ވެސް އާބަންކޯ އިން ވަނީ ބުނެފައެވެ.
އަދި މި ސަރަހައްދު ހިއްކުމުގެ މަސައްކަތް 2024 ވަނަ އަހަރުގެ ފެބުރުއަރީ މަހުގެ ނިޔަލަށް ނިމޭނެކަމަށް ލަފާކުރެވޭ ކަމަށް ވެސް އާބަންކޯ އިން ބުނެއެވެ.