ހަޔާތުގެ މީރުކަން ފޮނިކަން، ގެނެސްދިން މާތް ނަބިއްޔާއޭ

   ވަޔާއެކު އޭގެ ނޫރާނީ، އަލިން އަލިވީ ރަސޫލާއޭ

 

އުފަންވުމުގާ ތަދެއް ވޭނެއް، ނުވާ މީ މާތްވި އިންސާނެއް

  އުފަންވެ ވަޑައިގަތީ ރޭގާ، އަމާންކަން ލިބުނު ރެއެއްތާއޭ

 

ވަޑައިގެން ވަފުދުގާ މަރްޔަމް، ވި އާސިޔަތާއި ހޫރުންނޭ

   ވަޑައިގެންނެވި އެރޭ އަލިވީ، މި މާތް ނޫރުން ވީދީތާއޭ

 

އެއީ ފަރުބަދަ ތަކާ ގަސްތައް، ރަސޫލާއަށް ސަނާކީ ރޭ

   އެއީ ޖާހިލުކަމާ ޝިރުކާ، ކުފުރު ދޭހުން ފިލީ ތާއޭ

 

އެހާ އަގުވާތްމި އިންސާނެއް، އެރޭ ދޭހަށް އެ ނޭވާލީ

   އެހާ މަތިވެރި ޝަރަފު ލިބިފާ، އެވާ މާތްވީ ރަސޫލާއޭ

 

ހަޔާތުގެ މީރުކަން ފޮނިކަން، ގެނެސްދިން މާތް ނަބިއްޔާއޭ

   ވަޔާއެކު އޭގެ ނޫރާނީ، އަލިން އަލިވީ ރަސޫލާއޭ