ޕެން އިންޑިއަން ތަރި އަދި ދުނިޔޭ ސިނަމާގެ މަޝްހޫރު ކަމަލް ހަސަން، އޭނާގެ އުފަންދުވަސް ތަފާތު ގޮތަކަށް ފާހަގަކޮށްފިއެވެ.
އެގޮތުން، ފިލްމު ޕްރޮޑަކްޝަން ހައުސް ކަމަށްވާ، ރާޖް ކަމަލް ފިލްމްސް އިންޓަނޭޝަނަލް އިން ވަނީ ކަމަލް ހަސަންގެ އުފަން ދުވަސް ފާހަގަކުރުމުގެ ގޮތުން، އޭނާގެ ކުރިއަށް އޮތް ފިލްމުގެ އައު ޕޯސްޓަރެއް ނެރެފަ އެވެ. އެކްސް (ކުރިން ޓްވިޓާ) ގައި އެމީހުން ވަނީ ލެޖެންޑަރީ އެކްޓަރަށް އުފަންދުވަހުގެ ތަހުނިޔާ ފޮނުވައިފައެވެ.
މި ޕޯސްޓަރުގެ ސަބަބުން ކަމާލް ހަސަން އަށް ސަޕޯޓު ކުރާ ބަޔަކު ވަނީ މި ފިލްމު ބާލާލަން ވެފައި ވާ ވަރު އިތުރުވެފައިވާކަމަށް ބުނެފައިއެވެ. އެ ޕޯސްޓަރުގައި ކަމަލް ހަސަން އޭނާގެ ހަނގުރާމަވެރި ލުކް ދައްކާލާފައިވާއިރު، ދިގު އިސްތަށިގަނޑުން މޫނު ނިވާކޮށްފައިވާއިރު، ފެންނަނީ ހަމައެކަނި އޭނާގެ ލޮލެވެ. ޕްރިސްޓިން ހުދު ހަނގުރާމަވެރި ހެދުމެއްގައި ހުރި މި ޕޯސްޓަރުގައި "ތަގް ލައިފް" ލިޔެފައިވެ އެވެ.
ކަމަލް ހަސަންގެ އުފަންދުވަހުގެ ފޯރި އިތުރަށް ގަދަ ވީ މި ހިތްގައިމު ޕޯސްޓަރު ނެރުމުންނެވެ. ޕޯސްޓަރުގައި އޭނާ ފެނިގެންދާ ތަފާތު ގޮތުގެ ސަބަބުން އާ ޕްރޮޖެކްޓަށް ސަޕޯޓަރުން ކެތްމަދުވެފައެވެ.
ގިނަ ދުވަސްތަކަކަށްފަހު، ކަމަލް ހަސަން އާއި މަނީ ރަތުނަމް އަލުން އެކީ "ތަގް ލައިފް" ގައި މަސައްކަތްކުރާއިރު، މި ފިލްމަކީ ކަމަލް ހަސަންގެ 234 ވަނަ ފިލްމެވެ. އަދި މިއީ 1987 ވަނަ އަހަރު ރިލީޒްކުރި "ނަޔަކަން"ގައި މަސައްކަތްކުރި ފަހުން ރަތުނަމް އާއެކު ފެނިގެންދާ ފުރަތަމަ ފަހަރެވެ.
ފިލްމުގެ ނަން އިއްޔެ ހާމަކޮށްފައިވާއިރު، ފިލްމަށް ދީފައިވަނީ ޕޯސްޓަރުގައިވާ ފަދައިން "ތަގް ލައިފް" އެވެ. "ތަގް ލައިފް" ގެ މޯޝަން ވީޑިއޯގައި ކަމަލް ހަސަންގެ މޫނު ފޮރުވާފައި ވާއިރު ވަށައިގެން ހަތިޔާރު ހިފައިގެން ތިބި މީހުން ތިބެއެވެ.
"ތަގް ލައިފް" އަކީ ކަމާލް ހާސަން އާއި މަނީ ރަތުނަމް ގުޅިގެން އުފައްދާފައިވާ ޕްރޮޑަކްޝަނެއް ކަމަށާއި، އެމީހުންގެ ބެނާތަކުގެ ދަށުން ރާޖް ކަމާލް ފިލްމްސް އިންޓަނޭޝަނަލް އާއި މަދްރަސާ ޓޯކީސް ގެ ދަށުން އުފައްދާފައިވާ ފިލްމެއްކަމަށް ރިޕޯޓްތަކުން ބުނެއެވެ. ފިލްމުގެ މިއުޒިކް ތައްޔާރު ކުރަނީ އާރް ރަހްމާން ކަމަށާއި، އެޑިޓިން އަކީ ސްރީކަރ ޕްރަސާދު ކަމަށް ވެސް އެ ރިޕޯޓްތަކުން ހާމަކޮށްފައިވެއެވެ.
ސިނަމެޓޯގްރާފަރު ރަވީ ކޭ ޗަންދްރަން ހަދާފައިވާއިރު ސްޓަންޓް ކޯރިއޮގްރާފަރު ޑޫއޯ އަންބްއަރީވް މި ފިލްމުގެ ޓީމުން ހާމަ ކުރެއެވެ. މި ފިލްމުގައި ޓްރިޝާ ކްރިޝްނާން، ޖަޔަމް ރަވީ، އަދި ދުލްކުއާ ސަލްމާން ވެސް ވަނީ ފެނިގެން ދާނެއެވެ.