އއ. ތޮއްޑޫގައި ސްޓެލްކޯ އިން އަލަށް އިމާރާތްކޮށްފައިވާ ޒަމާނީ އައު އިންޖީނުގެ އާއި ކަސްޓަމަރ ސަރވިސް އޮފީހުން ޚިދުމަތްދޭން ފަށައިފިއެވެ.
މިދިޔަ އަންގާރަ ދުވަހު ތޮއްޑޫ އައު އިންޖީނުގެ އާއި ކަސްޓަމަރ ސަރވިސް އޮފީހުން ރަސްމީކޮށް ޚިދުމަތްދޭން ފަށްޓަވައިދެއްވީ ސްޓެލްކޯގެ މެނޭޖިންގ ޑައިރެކްޓަރު އަހުމަދު ޝަރީފް އާދަމް އެވެ.
މި ޒަމާނީ އައު އިންޖީނުގެއާއެކު، ތޮއްޑޫގައި ކުރިން ބޭނުން ކުރަމުން އައި ލޯ-ވޯލްޓޭޖް ނެޓްވޯކްގެ ބަދަލުގައި އަލަށް ގާއިމް ކުރި ހައި-ވޯލްޓޭޖް ނެޓްވޯކްވެސް މިހާރު ވަނީ ބޭނުން ކުރަން ފަށާފައެވެ.
ތޮއްޑޫގައި ސްޓެލްކޯއިން އަލަށް އަޅާފައިމިވާ އައު އިންޖީނުގެއަކީ ޒަމާނީ ފަސޭހަތަކާއެކު، ތަރައްޤީ އަށާއި ދުރު މުސްތަގުބަލަށް ވިސްނާ، 5 މެގަވޮޓްގެ ކެޕޭސިޓީ ޤާއިމްކުރެވޭ ވަރުގެ އިންޖީނުގެއެކެވެ.