ގްރޭޓާމާލޭ ރީޖަންގެ ޕަވަރ ސެކިއުރިޓީ ކަށަވަރު ކުރުމަށްޓަކައި، ސިކްސްތް ޕަވަރ ޑިވޮލޮޕްމަންޓް ޕްރޮޖެކްޓްގެ އަމަލީ މަސައްކަތް ކުރިއަށް އޮތް 100 ދުވަހުގެ ތެރޭގައި ފެއްޓެވުމަށް ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީ ނިންމަވައިފިއެވެ.
މެނޭޖިންގ ޑައިރެކްޓަރު، ފަހުމީ މިގޮތަށް ނިންމެވީ، މާލެ އަދި ހުޅުމާލޭގެ ޕަވަރ ޖެނެރޭޝަންގެ މަސައްކަތުގައި އުޅުއްވާ އެ ކުންފުނީގެ މުވައްޒަފުންނާއެކު ބޭއްވެވި ބައްދަލުވުންތަކެއްގައެވެ.
މި ބައްދަލުވުންތަކުގައި އެ ކުންފުންޏަކީ ޓެކްނިކަލް ކުންފުންޏަކަށްވުމާއެކު، އެ މުވައްޒަފުންގެ ދައުރު ކުންފުނި ހިންގެވުމުގައި ފާހަގަ ކުރައްވައި، ވަނީ ޝުކުރު ދަންނަވާފައެވެ.
އަދި ކުންފުނި ހިންގެވުމުގައި ޓެކްނިކަލް މުވައްޒަފުންގެ ލަފަޔާއި އިރުޝާދު އަބަދުވެސް ހޯއްދަވާނެ ކަމުގެ ޔަގީންކަން އެމްްޑީ ފަހުމީ ވަނީ ދެއްވާފައެވެ.