ޖާނު ހިބައިން ދިނީމޭ ލޮލާ ބޯ ޖަހާ

  މާލު ގުރުބާން ކުރީމޭ ތިބާ ހައްގުގާ

 

ހާދަ އުންމީދަކާ ހާދަ ހުވަފެންތަކެއް

   އާދައެއް ކަމު ހަދައިގެން ބެލިން ހައްގުގާ

 

މާދަމާ ވެސް ތިބާ ހައްގުގާ ވާނަމޭ

   ވާދަ ލޯބީގަ ޖެހިޔަސް ތިބާ ހައްގުގާ

 

ހާދަ ލޯތްބެއް މަގޭވީން ކަލާ އަށްޓަކާ

   އާދަކޮށް ހާލުވެސް އަދު ބެލިން ހައްގުގާ

 

ތަކެތި ހޯދައި ދިނީމޭ ނިކަން ދޭހިތުން

   ތަކެތި ގަނެދީ ހެދީމޭ ދަރަންޏަށް ނަގާ

 

ހާދަ ދެރައޭ މަށަށް ދިން މި ވޭނާތަދާ

   ހާދަ ދެރަކޮށް ތިލީ ލޯބިވާ ހައްގުގާ

 

ކޮންކުށެއް ހޭ މަށަށް ކުރެވިފާ ވީ މިތާ

   ކޮންކަމެއް އުނިވެގެންހޭ ދުރައްލީ ނަގާ

 

ވަގުތުވެސް އަދު ދިނީމޭ ނުދޭހާ ވަރަށް

   ވަގުތު ނުދިނޭ ކިޔޭކަށް ނެތޭ ހައްގުގާ

 

ގިސްލަމުން ރޯންޖެހުން ނޫން ގޮތެއްވެސް ނެތޭ

   އިސްނަގާ ހުރެ ހިނގާލުން ނެތޭ ހައްގުގާ

 

ހާދަ ހީވެސް ނުވާހާ ގޮތަށް ކަން މިވީ

   ހާދަ ދެރަ ހާލެކޭ އަދު މަށަށް މި ޖެހުނީ