ބޮޑުކަމު ދިއުމާއި ދެވުމުގައި އެކި މީހުންގެ އާދަ ތްފާތުވެދެއެވެ. އެއްބައިމީހުންނީ ދުވާލަކު އެއްފަހަރު ނުވަތަ ދުވާލަކު ދެފަހަރު ބޮޑުކަމުދާ މީހުންނެވެ. ބައެއް މީހުން ދެދުވަހުން އެއްދުވަހުވެސް ބޮޑުކަމުގޮސް އުޅެއެވެ. މިކަންކަން ބިނާވެގެންވަނީ އެމީހެއްގެ ކެއުމާއި ނިދުމުގެ ވައްޓަވާޅިއާއި އެމީހެއްގެ ސިއްހީ ދުޅަހެޔޮކަމާއި މަސައްކަތްތައް ހުންނަ ގޮތުގެ މައްޗަށެވެ. ބައެއްމީހުންނީ ބޮޑުކަމު ދިއުމަށް ފަސޭހަ މީހުން ކަމަށްވާއިރު އަނެއްބައި މީހުންނީ ތަންކޮޅެއް އުނދަގުލުން ބޮޑުކަމު ދެވޭ މީހުންނެވެ. ބޮޑުކަމު ދިއުމަށް އެކި މީހުން އެކި މިންވަރަށް ވަގުތު ހޭދަވެސް ކުރާއިރު މިއީ ދިރާސީ ނަރަޒަކުން އަލިއަޅުވާލަން އުނދަގޫ މައުލޫއެއްވެސް މެއެވެ.

ދިރާސާވެރިން ފާހަގަ ކުރާގޮތުގައި އެވްރެޖް އިންސާނަކު އާދަވެ، އެވްރެޖުކޮށް ދުވާލަކު ދެފަހަރު ބޮޑުކަމު ދެއެވެ. މިއީ އެވްރެޖް އަދަދެކެވެ. މިއަށްވުރެ ގިނައިންވެސް އަދި މަދުންވެސް ބޮޑުކަމުދާ މީހުން އުޅޭނެއެވެ.

މިސާލަކަށް އިންސާނަކު ކޮންމެ ދުވަހަކު، އެވްރެޖްކޮށް 10 މިނެޓު ބޮޑުކަމު ދިއުމަށް ހޭދަކޮށްފާނެއެވެ. އެކިފަހަރު މަތިންނަމަވެސް ނުވަތަ އެއްބުރާ މަތިންނަމަވެސް މެއެވެ. އެވްރެޖްކޮށް ދުވާލަކު 10 މިނެޓު ބޮޑުކަމު ދިއުމަށް ހޭދަ ކުރާނަމަ އެއީ އަހަރަކަށް ބަލާނަމަ 3650 މިނެޓެވެ. އެއީ ގާތްގަނޑަކަށް 61 އެއް ގަޑި އިރެވެ. ދުވަހުން ގުނާނަމަ އެއީ ގާތްގަނޑަކަށް 2 ދުވަހާއި ބައެވެ. ދިވެހި ރާއްޖޭގެ މުސްކުޅި ކުރައްވާ އުމުރަކީ 65 އަހަރެވެ. އެހެންކަމުން އިސްވެ ދެންނެވުނު ހިސާބުން ހިސާބު ޖަހައިފިނަމަ 65 އަހަރު ވާއިރު، އެވްރެޖް އިންސާނަކު، އެވްރެޖުކޮށް އޭނާގެ އެ އުމުރުގައި 162 ދުވަހާއި ބައި ދުވަސް، ބޮޑުކަމު ދިއުމުގައި ހޭދަކުރާނެއެވެ. 

ބައެއް މީހުންނީ ބޮޑުކަމުދާ ވަގުތުގައިވެސް ކޮންމެވެސް އެހެން ފައިދާ ކުރަނިވި ކަމެއް ކުރާ މީހުންނެނެވެ. މިސާލަކަށް ފޮތެއް ކިޔުން ނުވަތަ ފޯނުން ކޮންމެވެސް ފިލާވަޅެއް ދަސްކުރުން ނުވަތަ ކޮންމެވެސް މަސައްކަތެއް ކުރުމަކީ ބައެއް މީހުން ކުރާ ކަމެކެވެ. އަނެއްބަޔަކު އެ ވަގުތު ތަކުގައި ފޯނުން ބޭކާރު ވީޑިއޯ ބެލުމާއި ގޭމު ގުޅުމަކީ ކޮށް އުޅޭ ކަމެކެވެ. އަދި އަނެއްބަޔަކު ހުސް އަތާ ގޮސް އެއްވެސް އިތުރު ކަމެއް ނުކުރާ މީހުންވެސް އުޅެއެވެ. އަނެއްބައި މީހުންނީ ބޮޑުކަމުދާން ގޮސް ތިބެ، ނިދާވެސް މީހުންނެވެ.

ބޮޑުކަމުދިއުމަކީ އިންސާނެއްގެ ދިރިހުރުމަށް އަސާސީ ކަމެކެވެ. ވީއިރު، ބޮޑުކަމު ދިއުމަށް ތިޔަ ހޭދަކުރެވޭ ވަގުތު ތަކަކީ ބޭކާރު ވަގުތުތަކެކޭ ބުނެވޭނެ ހަމަ އެއްވެސް ޖާގައެއް ނޯންނާނެއެވެ. ނަމަވެސް އެ ވަގުތުތައް އިތުރަށް ފުރިހަމަކޮށް ބޭނުންތެރި ކަމެއް ކުރުމުގެ ނިޔަތުގައި ފޮތް ކިޔާ މީހުން އެކަންކަން ކުރެއެވެ. ދިރާސާވެރިން ފާހަގަ ކުރާ ގޮތުގައި ބޮޑުކަމުދާން ޖެހޭނީ ވަރަށް ހަމަ ޖެހިގެންނެވެ. ބޮޑުކަމު ދިއުމުން ލިބޭ ހިތްހަމަ ޖެހުމާއި އުފާ، އޭގެ އެއްމެ ފުރިހަމަ މާނައިގާ ލިބޭނީ އޭރުންނެވެ.

 

ހަވާލާ: ހެލްތު ލައިން 2018