އުރީދޫ މޯލްޑިވްސްގެ އަހަރީ ފަން ރަން ވީކެންޑް މާދަމާ ފަށާއިރު، ރާއްޖޭގައި ބާއްވާ ފުރަތަމަ ޑްރޯން ރޭހާއި، އެންމެ ބޮޑު އަދި އެންމެ އުފާވެރި 5ކޭ ދުވުމުގެ އިތުރުން ރާއްޖޭގެ މަގުބޫލު ފަންނާނުން ހިމެނޭ އުރީދޫ މިއުޒިކް ޝޯ ވެސް ކުރިއަށްދާނެއެވެ.
އުރީދޫ ފަން ރަން ދުވަހުގެ ޕްރޮގްރާމް:
އުރީދޫ ޑްރޯން ރޭސް (22 ޑިސެމްބަރ 2023 ވާ ހުކުރު ދުވަހުގެ ހެނދުނު 8:00 އިން 11:00 އަށް)
ރާއްޖޭގަ ބޭއްވޭ އެންމެ ފުރަތަމަ ޑްރޯން ރޭސް - އުރީދޫ ޑްރޯން ރޭސް 2023 ގެ ފައިނަލް އޮންނާނީ ޑިސެމްބަރު މަހުގެ 22 ވާ ހުކުރު ދުވަހު ހުޅުމާލޭ ސެންޓްރަލް ޕާކުގައެވެ. ފައިނަލް ރޭހުގައި ދެ ކެޓަގަރީއެއް ކަމަށްވާ ސްކައި އެލީޓް (އެފްޕީވީ ޑްރޯން) ޕައިލެޓުންނާއި ސްކައި ވޯކާ (ޑީޖޭއައި ނޮން-އެފްޕީވީ ޑްރޯންސް) ގެ ޕައިލެޓުން ބައިވެރިވާނެ އެވެ. މި ރޭހަކީ އެންމެ ކުރު މުއްދަތެއްގެ ތެރޭގައި ނިންމާ ވާދަކުރާ ރޭހެކެވެ. އުރީދޫ ޑްރޯން ރޭސް 2023 ގެ ސްކައި ވޯކާ އަދި ސްކައި އެލީޓް ކެޓަގަރީގެ ބައިވެރިން ވާދަކޮށް 1ވަނަ 2ވަނަ އަދި 3ވަނަ އަށް ދާ ފަރާތްތަކަށް ހާއްސަ އިނާމުތަކެއްވެސް ވަނީ ހަމަޖެހިފައެވެ.
އުރީދޫ ފަން ރަން (22 ޑިސެމްބަރ 2023 ވާ ހުކުރު ދުވަހުގެ ހަވީރު 3:30 އިން 6 އަށް)
އުރީދޫ ފަން ރަން - ރާއްޖޭގެ އެންމެ ބޮޑު، އެންމެ އުފާވެރި ދުވުމަކީ ހުރިހާ އުމުރެއްގެ އާއިލާތަކަށާއި ރަހުމަތްތެރިންނަށް ވެސް މަޖާކޮށްލެވޭ ގޮތަށް ފަރުމާކޮށްފައިވާ މަޖާ 5ކޭ ދުވުމެކެވެ. މި ދުވުން އޮންނާނީ 22 ޑިސެމްބަރު 2023 ގައި ހުޅުމާލޭގައި ހަވީރު 3:30 އިން ފެށިގެން 6އަށެވެ. މަޖާ 5ކޭ މި ދުވުމުގައި އަލަށް ދުވާ ދުވުންތެރިންނާއި ތަޖުރިބާކާރު ދުވުންތެރިން ވެސް މި އުފަލުގައި ބައިވެރިވެވޭނެއެވެ. ކޮންމެ ކިލޯމީޓަރެއް ނިމުމުން ކުލައާއި ފެނާއި މަޖާ އޮބްސްޓޭކަލްސް ތަކާއި އެކު ތަފާތު ފަން ސްޓޭޝަންތައް ފެންނާނެއެވެ. މި ދުވުމަކީ ޓައިމް އިވެންޓަކަށް ނުވާތީ، ފިނިޝިން ލައިނަށް ހިނގާލާފަ ޖޮގް ކޮށްލާފަ ނުވަތަ ނަށާލާފަވެސް ކުރުން ފަދަ ކަންކަން ބައިވެރިންނަށް އިޚްތިޔާރު ކުރެވޭނެ ދުވުން ނިންމާލެވޭނެއެވެ. ދުވުން ނިންމާލާއިރު ފޯމް ޕާޓީއަކާއި ފިނިޝަރ މެޑަލް އަކާއި މިއުޒިކް ޝޯއަކާ އެކު 5ކޭ ދުވުން ނިންމާލުމުގެ އުފާ ފާޅުކުރެވޭނެއެވެ.
އުރީދޫ މިއުޒިކް ފެސްޓިވަލް (22 ޑިސެމްބަރ 2023 ވާ ހުކުރު ދުވަހުގެ ރޭ 8:00 އިން ފެށިގެން 12 އަށް)
ފަން ރަން ނިންމާލުމަށް ފަހު އެހެން އަހަރު ތަކެކޭ އެއްފަދައިން އުރީދޫ މިއުޒިކް ޝޯ ހުޅުމާލެ ސެންޓްރަލް ޕާކުގައި ރޭގނޑު 8:00 ޖަހާއިރު ފެށިގެން ދާނެއެވެ. މި ޝޯ ގެ އުފަލުގައި ކޮންމެ މީހަކަށްވެސް ބައިވެރިވެވޭނެއެވެ. އުރީދޫ މިއުޒިކް ޝޯ ގައި ވެސް މަގުބޫލު އާޓިސްޓުން ފެނިގެންދާނެއެވެ އޭގެ ތެރޭގައި:
· ހަބޭސް ބޮޑުބެރު
· ޑިޓިއުން
· މީރާ، ޝަމްބެ އަދި އިންމަ
· ޑިޖޭ ދީދު
· ޒަކިއްޓެ
· ޓްރަފިކް ޖާމް
އުރީދޫ ފަން ރަން ގެ ހަރަކާތްތަކާ ބެހޭ އިތުރު މައުލޫމާތު ހޯދުމަށް އުރީދޫގެ ފޭސްބުކް، ޓްވިޓާ އަދި އިންސްޓަގްރާމް މެދުވެރިކޮށް ބަލައިލެވޭނެއެވެ. ފަން ރަން ގެ އުފާވެރިކަމުގައި ބައިވެރިވުމަށް ހުރިހާ ބޭފުޅުންނަށްވެސް ދައުވަތު އަރުވައެވެ.