ސާނަވީ އަދި މަތީ ސާނަވީ ތަޢުލީމު ހާސިލްކުރަމުންދާ ދަރިވަރުންނަށް އަމާޒުކޮށްގެން އެމްޕީއެލް އިން ކުރިއަށްގެންދާ އިންޓާރންޝިޕް ޕްރޮގްރާމް މިއަދު ފަށައިފިއެވެ.
ދެ ހަފްތާގެ މުއްދަތަކަށް ކުރިއަށްގެންދާ މި ޕްރޮގްރާމްގައި ޕޯޓުގެ އެކި ދާއިރާތަކުން ދަރިވަރުންނަށް މަސައްކަތުގެ ހުނަރުތައް ދަސްކޮށްދޭނެއެވެ.
މި ފަހަރުގެ އިންޓާރންޝިޕްގައި 13 ދަރިވަރަކު ބައިވެރިވެފައިވެއެވެ.
މި ޕްރޮގްރާމް ކުރިއަށްގެންދިއުމަށް ހަމަޖެހިފައިވަނީ މި މަހުގެ 24 އިން ފެށިގެން އަންނަ ޖަނަވަރީ މަހުގެ 4 ގެ ނިޔަލަށެވެ.
މިއީ އެމްޕީއެލް އިން މި އަހަރު ހިންގާ ދެވަނަ އިންޓާރންޝިޕް ޕްރޮގްރާމެވެ.