މިއީ މިދިޔަ ޑިސެމްބަރު މަހުގެ ފަހު ކޮޅު ތައިލެންޑްގެ ޗިއަންގ މައި ނޭޗަރ ޕަރކްގައި ހިނގާފައިވާ ހާދިސާއެކެވެ. ބައިނަލް އަގްވާމީ ނޫސްތަކާއި މީސްމީޑިޔާގައި ވަރަށް ބޮޑަށް ވައިރަލް ވެގެންދިޔަ ވީޑިއޯއެކެވެ. ވަރަށް ގިނަ މީހުން ބެލިއެވެ. ނަމަވެސް މި ހާދިސާއާއި މެދު ފުންކޮށް ވިސްނާލީ ކިތައް މީހުންތޯއެވެ؟
ކޮންމެ މީހަކުވެސް ވަޒީފާއެއް ނުވަތަ ކުރިއަށް ދާނެ ދާއިރާއެއް އިޚްތިޔާރު ކުރަނީ ވަރަށް ވިސްނުމަށްފަހުގައެވެ. އެ ކަމެއްގައި ހުރި ރަގަޅު އަދި ނުރަނގަޅުކަންތައްވެސް ބެލުމަށްފަހުގައެވެ. އެގޮތުން އިންސާނުން ނުވަތަ ޖަނަވާރުންނަށް ފަރުވާދޭ ޑޮކްޓަރުންގެ ގޮތުގައި ކުރިއަށް ދާން ވިސްނާމީހުނަށް ވެސް ވަރަށް ހާމަކަން ބޮޑު ގޮތެއްގައި އެނގޭކަމެއް ވެއެވެ. އެއީ ކޮންމެވެސް ގޮތަކުން އިންސާނުން އަދި ޖަނަވާރުންގެ ވެސް ނަޖިސް ފެންނާނެކަމާ، ބައެއް ފަހަރު އެތަކެތިން ތަހުލީލުކުރުމަށް ނުވަތަ އެހެންވެސް ކަންކަމުގައި އަތްލަންވެސް ޖެހިދާނެއެވެ. ނަމަވެސް ޑޮކްޓަރ ޓޮމް އަށް މި ކުރެވުނީ އެއްވެސް ޙާލެއްގައި އުއްމީދުކޮށްފައި ނުވާ ކަމެކެވެ.
މިއީ އެ ޕާރކްގައި އޮތް އުމުރުން ދުވަސްވީ އެތެކެވެ. ނަމަކީ ލާނާއެވެ. މިއެތައް ދިމާއި މައްސަލައަކުން ބަނޑު ހަރުވެ ބޮޑުކަމު ނުދެވޭ ކަމުގެ މައުލޫމާތުގެ އެތަން ހިންގަން ތިބި މީހުން ޑރ. ޓޮމް އަށް ދިނެވެ. ޑޮކްޓަރު ބެލިއިރުވެސް އެތުގެ ފުރަގަސް ފަރާތު ދޮރުގައި ބޮޑުކަމުދާތަކެތި ހަރުވެފައި ހުއްޓެވެ. ޑޮކްޓަރު ނިންމީ އެނީމާ ދީގެން މި މައްސަލަ ހައްލު ކުރުމަށެވެ. މިއީ ދިވެހިބަހުން ގުންބާކުރުމޭ ބުނާ ގޮތަށް ޑޮކްޓަރުން ކުރާ ކަމެކެވެ.
އެތުގެ ފުރަގަސްފަރާތުގައި ތާށިވެފައިވާ ބޮޑު ގުޅަވަރެއް ޑޮކްޓަރު ދަމައިގަތް އިރު އޭގެ ނިގުލުގައި ހިފަހައްޓައިގެން އަދި ކައިރީގައި އޭނާގެ ދެ އެހީތެރިން ތިއްބެވެ. އެ ދަމައިގަތުމާއި އެކު ބާރު ސްޕީޑްގައި ޑޮކްޓަރާއި ދެ އެހީތެރިން މުޅިން ފޯކޮށްލީ އެތައް ދުވަހެއް ވަންދެން އެތުގެ ބަނޑުގައި ހަރުވެފައި ހުރި ބޮޑުކަމުދާތަކެއްޗެވެ. އޭރު ހުރީ ފެންފަދައިން ދިޔާވެފައެވެ. ޖަނަވާރުންގެ ޑޮކްޓަރުކަން ކިޔެވިއެއް ކަމަކު މިއީ އެއްވެސް މީހަކު އުއްމީދު ކުރާނެ ކަމެއް ނޫނެވެ. ވަޒީފާގެ މާހައުލުގައި ބަނަ ދުވަސްތައް ވެސް އާދެއެވެ. ނަމަވެސް މިއާ ގާތްކުރާ ވަރުގެ ކަމެއް ދިމާވެފައިވާ މީހަކު ނަމަ އަޅުގަނޑުމެންގެ ކިޔުންތެރިންނާ ހިއްސާ ކުރައްވާށެވެ. އެނޫން ފަރާތްތަކުން ލިބިފައިވާ ވަޒީފާއަށް އިޙްތިރާމް ކުރާށެވެ. ވަޒީފާ އަކީ ކޮންމެ މީހަކަށް ނުވަތަ ކޮންމެ ވަގުތަކު ލިބޭނެ އެއްޗެއް ނޫނެވެ.