ނޯތު ރީޖަންގައި ހިމެނޭ ކުޅުދުއްފުށި ސިޓީގައި ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ތެރެއިން މިވަގުތު ހިނގަމުންދާ މަސައްކަތްތަކުގެ ތަފްޞީލީ މަޢުލޫމާތު އާރްޑީސީ އިން އާންމުކޮށްފިއެވެ.
އެގޮތުން، ކުޅުދުއްފުށި ސިޓީ މަގު ހެދުމުގެ މަޝްރޫޢުގެ ދަށުން މައިޓްމަގުގައި ތާރު އަޅާނިމި، މިހާރު ކުރިއަށްދަނީ ދޮން އުމަރުކަލޭފާނު މަގުގައި ތާރު އެޅުމުގެ މަސައްކަތް ކަމަށް އާރްޑީސީ އިން ބުނެއެވެ.
އާރްޑީސީ އިން އިތުރަށް ބުނީ، ކުޅުދުއްފުށި ސިޓީގައި ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ތެރެއިން ފަރީދީމަގުގައި ކާރބް ސްޓޯން ޖެހުމުގެ މަސައްކަތް ކުރުމަށް ހަމަޖެހިފައިވާ ކަމަށެވެ.
މި މަސައްކަތްކުރުމަށް އާރްޑީސީއާ ހަވާލުކޮށްފައިވަނީ 2021 ވަނަ އަހަރުގެ ޖޫން މަހުގެ ތެރޭގައި 100.7 މިލިއަން ރުފިޔާ އަށެވެ.