ދުނިޔޭގެ އެއްމެ ނުރައްކާތެރި އެއް ގަހަކީ މަންޗިނީލް ނަމަކަށް ކިޔާ ގަހެކެވެ. އެމެރިކާގެ ކަނޑާއި ކޯރުތަކުގެ އައްސޭރި ފަށުން ފެންނަ މި ގަހަކީ ނެތިދިޔުމުގެ ބިރު ހީވެފައިވާ ގަހެކެވެ. މަންޗިނީލް ގަހުގެ ކޮންމެ ބައެއްގައި ވިހަ މާއްދާތަކެއް ހިމެނޭ ކަމީ މި ގަހުގެ ނުރައްކާތެރިކަން އިންތިހާއަށް ބޮޑުވާ ސަބަބެވެ. މި ވިހައިގެ ސަބަބުން އިންސާނުންނަށް ބޮޑެތި ގެއްލުންތަކެއް ލިބިދާނެ އެވެ. މި ލިޔުމުގައި މި ބަލާލަނީ މި ގަހުގެ މައިގަނޑު ބައިތަކަކީ ވިހަ މާއްދާތަކާއި އެތަކެތީގެ އަސަރު އިންސާނުންނަށް ކުރާނެ ގޮތްތަކެވެ.

. ކިރު: މަންޗިނީލް ގަހުގެ ކިރަކީ ވަރަށް ވިހަ ގަދަ އެއްޗެކެވެ. ފޯބޯލް އަދި ފޯބޯލް އެސްޓަރސް ފަދަ ކެމިކަލްތަކުގެ ވަރުގަދަ މަސްހުނިކަމެއް މި ގަހުގެ ކިރުގައި އެކުލެވިގެންވެއެވެ. މި ކިރު، އިންސާނުންގެ ގައިގެ ހަންގަނޑުގައި ޖެހިއްޖެނަމަ، ކަހާ ހިރުވުމާއި، ބިހި ނެގުމާއި ދުޅަވުމާއި އަދި ފާރުވެ، ދިލަނަގާ ގޮތް މެދުވެރިވެއެވެ. މިގޮތަށް ހަންގަނޑުގައި އުފެދޭ ފާރުގަނޑުތައް، އެ ކިރުގެ އަސަރު ކެނޑެންދެން ބޮޑުވަމުން ދެއެވެ.

. މޭވާ: މަންޗިނީލް ގަހުގައި އަޅާ ފެހި-ރީނދޫ ކުލައިގެ ކުދި ކުދި އާފަލުތަކެއް ކަހަލަ މޭވާ އަކީ އޭގައި މީރު ވަހަކާއި ފޮނި ރަހައެއް ދޭ މޭވާއެއް ނަމަވެސް މިއީ އޭގައި ގިނަ އަދަދަކަށް ވިހަ މާއްދާތައް އެކުލެވޭ މޭވާއެއްވެސް މެއެވެ. މި މޭވާ ކެއުމުން އިންސާނާގެ ޖަހަމުގެ ނިޒާމަށް ބޮޑެތި ގެއްލުންތަކެއް ކުރިމަތިވެދާނެއެވެ. އޭގެ ތެރޭގައި ހޮޑުލުން، ބޭރަށްހިންގުން، ބަނޑުގައި ރިހުން، އަދި އަދި ގޮހޮރު ވިހަވުންފަދަ ކަންކަން ހިމެނެ އެވެ. މި މޭވާއިންވެސް ފެނިފައި ވަނީ ހަމަ މިގަހުގެ ކިރުންވެސް ފެނުނު ވިހަ މާއްދާތަކެވެ.

. ފަތް: މަންޗިނީލް ގަހުގެ ފަތުގައި ވެސް ވިހަ މާއްދާތަކެއް ހުރެއެވެ. ނަމަވެސް މި މާއްދާތައް، މިނގަހުގެ ކިރާއި މޭވާއަށްވުރެ ފަތުގައި މަދެވެ. މި ފަތުންވެސް ނުކުންނަ ދިޔަ ނުވަތަ ކިރު އިންސާނާގެ ހަންގަނޑުގައި ޖެހުމުން އެލާޖިކުވުންފަދަ ކަންކަން ކުރިމަތިވެދެއެވެ.

މި ސަބަބުތަކާއި ހުރެ މި ގަހުގެ ނުރައްކާތެރިކަން ބޮޑުވެ، މި ގަސްގަސް ދޮށަށް ދިއުމާއި ކައިރިވެ އުޅުން އޮންނަނީ އާއްމުންނަށް މަނާކޮށްފައެވެ. ނަމަވެސް މީގެ ގަސްގަސް، ވެގެން ގޮސްފައިވަނީ ފަތުރުވެރިން ޒިޔާރަތްކުރާ މަންޒިލްތަކަކަށެވެ. މަންޗިނީލް ގަހުގެ މޭވާ އަކީ ޖަނަވާރުންވެސް ކައި އުޅޭ އެއްޗެއް ނޫން ކަމަށް ދިރާސާވެރިން ފާހަގަ ކުރެއެވެ. އަދި އެ ގަހުގައި ދިރިއުޅެވޭނީ ވަކި ހާއްސަ ސިފަތަކެއް ލިބިފައި ހުރި ދިރޭ ސޫފާސޫފިތަކަކަށް އެކަނި ކަމަށްވެސް ބަޔޮލޮޖިސްޓުން ފާހަގަ ކުރެއެވެ. މިއީ ހިރުނދު ގަސްގަސްހެން ބޮޑުކޮށް ހެދޭ ގަހެކެވެ.

 

ހަވާލާ: ޓްރީސް ނޭޗާ 2018