ނޯތު ރީޖަންގައި ހިމެނޭ ކުޅުދުއްފުށި ސިޓީގައި ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ތެރެއިން މިވަގުތު ހިނގަމުންދާ މަސައްކަތްތަކުގެ މަޢުލޫމާތު އާރްޑީސީ އިން އާންމުކޮށްފިއެވެ.
އެގޮތުން، ކުޅުދުއްފުށި ސިޓީ މަގު ހެދުމުގެ މަޝްރޫޢުގެ ދަށުން މިހާރު ކުރިއަށްދަނީ ފަރީދީ މަގުގައި ސަބްގްރޭޑް ކުރުމުގެ މަސައްކަތް ކަމަށް އާރްޑީސީ އިން ވަނީ ބުނެފައެވެ.
ކުޅުދުއްފުށީ ސިޓީގެ މަގުތައް ޒަމާނީ ފެންވަރަށް ހެދުމުގެ މަސައްކަތް ކުރުމަށް އާރްޑީސީއާ ހަވާލުކޮށްފައިވަނީ 2021 ވަނަ އަހަރުގެ ޖޫން މަހުގެ ތެރޭގައި 100.7 މިލިއަން ރުފިޔާ އަށެވެ.