އެމްއެންޑީއެފް ފަޔަރ އެންޑް ރެސްކިޔު ސަރވިސްއިން މޯލްޑިވިއަންގެ މުވައްޒަފުންނަށް ފަޔަރ ފައިޓިންގ ޓްރެއިނިންގއެއް ކުރިއަށް ގެންގޮސްފިއެވެ.
 
އެފްއާރުއެސް ޓްރެއިނިންގ ސްކޫލުގައި ފެބުރުވަރީ 19 ވަނަ ދުވަހު ކުރިއަށްެގެންދިޔަ މި ޓްރެއިނިންގގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، ޢަމަލީ ގޮތުން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް އުނގަންނައި ދެވިފައެވެ. އަދި މި ތަމްރީނުގައި މޯލްޑިވިއަންގެ މުވައްޒަފުންނަށް ޢަމަލީގޮތުން އަލިފާން ނިއްވާނެ ގޮތް ވެސް ދަސްކޮށްދީފައިވެއެވެ. މި ޓްރެއިނިންގައި މޯލްޑިވިއަންގެ 20 މުވައްޒަފުން ބައިވެރިވިއެވެ.
 
މި ޓްރެއިނިންގގައި މުދައްރިބުންގެ ގޮތުގައި މަސައްކަތް ކުރައްވާފައި ވަނީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުންނެވެ.