މިލަދޫގެ ތަރައްޤީއަށް ކުރަންހުރި ކަންކަމުގައި ރައްޔިތުން އެދިވަޑައިގަންނަވާގޮތަށް ނަތީޖާ ނެރެދެއްވާނެކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ ރޭ މިލަދޫގެ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުންނެވެ.
ރައީސުލްޖުމްހޫރިއްޔާ ވިދާޅުވީ ފާއިތުވި ތިން މަހެއްހާ ދުވަސް ހޭދަވެގެން ދިޔައީ ތަރައްޤީއަށް ކުރަންހުރި ކަންކަން ކުރެވޭނެ ފަދަ އިޤުތިޞާދެއް ބިނާކުރުމަށް މަސައްކަތް ކުރުމުގައި ކަމަށެވެ. އެގޮތުން އިޤުތިޞާދުގައި ހުރި ދަރަނީގެ މައްސަލަތަކާ އާމްދަނީ އިތުރުކުރުމުގައި ހުރި ދަތިތަކުގެ މައްސަލަތައް ރަނގަޅުކުރުމުގެ މަސައްކަތް ފެށިފައި ވާކަމުގައި ރައީސުލްޖުމްހޫރިއްޔާ ވިދާޅުވިއެވެ. އަދި ސަރުކާރުން އަންނަނީ ދަރަނި ދައްކަމުން އާމްދަނީ އިތުރުކުރަމުންކަމަށާއި އެހެންކަމުން، ކުރިޔަށް އޮތް ދުވަސްތަކުގައި ރަށްރަށުގައި ކުރަންހުރި ކަންކަން ކުރެވޭ ކަމުގައި އެމަނިކުފާނު ވިދާޅުވިއެވެ.
ރައީސުލްޖުމްހޫރިއްޔާ ވިދާޅުވީ މިލަދޫގެ މަގުތައް ހެދުމާއި ބޯހިޔާވަހިކަމަށް ކުރަންހުރި މަސައްކަތްތަކާއި ރަށްގިރުމުގެ މައްސަލައާ ސްކޫލާ ޞިއްޙީ ނިޒާމު ވަރުގަދަކުރުންފަދަ އެރަށުގެ ތަރައްޤީއަށް ކުރަންހުރި ހުރިހާ މަސައްކަތެއް ވެސް ފުރިހަމަކޮށްދެއްވާނެކަމުގައެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން