ފިތުރު ޒަކާތުގެ ގޮތުގައި ގޮވާމުގެ ބާވަތްތަކުން ޒަކާތް ދެއްކުމަށް އިސްލާމީ ކަންތައްތަކާބެހޭ ވުޒާރާއިން ހުޅުވައިލައިފިއެވެ.
ގޮވާމުގެ ބާވަތްތަކުން ޒަކާތް ބަލައިގަތުން މާލޭގައި ކުރިއަށް ގެންދަން ހަމަޖެހިފައިވަނީ އަމީނިއްޔާ ސްކޫލް ހޯލުގައެވެ. ހުކުރު ދުވަހާއި ހޮނިހިރު ދުވަސް ފިޔަވައި ކޮންމެ ދުވަހަކު ވެސް ޒަކާތް ބަލައިގަންނާނެއެވެ.
މިދިޔަ މާރިޗް މަހުގެ 31 އިން ފެށިގެން އޭޕްރީލް މަހުގެ 9 ވަނަ ދުވަހުގެ ނިޔަލަށް ގޮވާމުން ޒަކާތް ބަލައިގަތުމަށް ހަމަޖެހިފައިވާއިރު، 31 މާރިޗު 2024 އިން ފެށިގެން އެޕްރީލް މަހުގެ އަށް ވަނަ ދުވަހުގެ ނިޔަަލަށް 13:00 އިން ފެށިގެން 16:00 އާ ހަމައަށް ގޮވާމުން ޒަކާތް ބަލައިގަންނާނެއެވެ. އަދި މި މަހުގެ ނުވަ ވަނަ ދުވަހު ގޮވާމުން ޒަކާތް ބަލައިގަތުމަށް ހަމަޖެހިފައިވަނީ 13:00 އިން ފެށިގެން 18:00 ގެ ނިޔަލަށެވެ.