ރާއްޖޭގެ ރަށްތަކުގައި ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ތެރެއިން މާޅޮސްމަޑުލު އުތުރުބުރީ ހުޅުދުއްފާރުގެ މަގުތަކުގައި ތާރު އެޅުމުގެ މަސައްކަތާއި ގުޅޭ ފަހުގެ މަޢުލޫމާތު އާރްޑީސީ އިން ހާމަކޮށްފިއެވެ.
އާރްޑީސީ އިން ބުނީ، ރ. ހުޅުދުއްފާރުގައި ޒަމާނީ ފެންވަރަށް ތަރައްޤީ ކުރަމުންދާ މަގުތަކުގައި ތާރު އެޅުމަށް ބޭނުންވާ މެޓީރިއަލް ލޯޑް ކުރުމުގެ މަސައްކަތް ހުޅުމާލެ ސައިޓުގައި މިވަގުތު ކުރަމުންދާ ކަމަށެވެ.
ހުޅުދުއްފާރުގެ މަގުތައް ޒަމާނީ ފެންވަރަށް ހެދުމުގެ މަސައްކަތް ކުރުމަށް އާރްޑީސީއާ ހަވާލުކުރީ 2021 ވަނަ އަހަރުގެ މެއި މަހުގައެވެ. މިއީ 88.9 މިލިއަން ރުފިޔާގެ މަޝްރޫޢެކެވެ.