މ. ދިއްގަރުގައި ހައުސިންގ ޔުނިޓްތަކެއް އިމާރާތް ކުރުމުގެ މަޝްރޫޢު ސަރުކާރުން މިއަދު އެމްޓީސީސީއާ ހަވާލުކޮށްފިއެވެ.
މި މަޝްރޫޢު ހަވާލުކުރުމަށް މިއަދު ބޭއްވި ރަސްމިއްޔާތުގައި އެމްޓީސީސީގެ ފަރާތުން ސޮއިކުރެއްވީ ޗީފް އެގްޒެކެޓިވް އޮފިސަރ އަލްފާޟިލް އަބްދުﷲ ޒިޔާދެވެ. އަދި މިނިސްޓްރީ އޮފް ހައުސިންގ، ލޭންޑް އަރބަން ޑިވެލޮޕްމަންޓްގެ ފަރާތުން ސޮއިކުރެއްވީ ޕަރމަނަންޓް ސެކްރެޓަރީ އަލްފަޟިލާ ޒީނިޔާ ހަމީދެވެ.
މި މަޝްރޫޢުގެ ދަށުން، 1000 އަކަފޫޓުގެ ސަރަހައްދެއްގައި 3 ފަންގިފިލާގެ 75 ފްލެޓް އިމާރާތް ކުރެވިގެންދާނެ އެވެ. އަދި ކޮންމެ ޔުނިޓެއްގައި 3 ކޮޓަރި އިމާރާތް ކުރެވިގެންދާނެ އެވެ.
މިއީ 117.97 މިލިއަން ރުފިޔާ އަށް 420 ދުވަސް ތެރޭ ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫޢެކެވެ.