2024 ވަނަ އަހަރުގެ ފެބުރުއަރީ 11 އިން ފެށިގެން އޭޕްރީލް މަހުގެ 9 ވަނަ ދުވަހުގެ ނިޔަލަށް ކުރިއަށް ގެންދެވުނު "އެމްޓީސީސީ ރޯދަ ޕްރޮމޯ 2024" ނިންމުމުގެ ރަސްމިއްޔާތު ބާއްވައިފިއެވެ.
އެމްޓީސީސީ ކަށަވަރު ޝޯރޫމްގައި ބޭއްވުނު މި ރަސްމިއްޔާތުގައި، ޕްރޮމޯޝަންގެ ގުރުއަތުން ހޮވުނު ނަސީބުވެރި ފަރާތުގެ ނަން އިޢްލާންކޮށްދެއްވީ އެ ކުންފުނީގެ ޗީފް އެގްޒެކްޓިވް އޮފިސަރ، އަލްފާޟިލް އަބްދުﷲ ޒިޔާދެވެ.
"އެމްޓީސީސީ ރޯދަ ޕްރޮމޯ 2024" ގެ ނަސީބުވެރި ފަރާތަކީ ހުސެއިން މުސްތާގް (A010903) އެވެ. އެ ފަރާތަށް ލިބުނު އިނާމަކީ ދެ ބޭފުޅަކަށް ޢުމްރާ ދަތުރެކެވެ.
ރަމަޟާން މަހު ބޭއްވުނު "އެމްޓީސީސީ ރޯދަ ޕްރޮމޯ 2024" ގެ މަޤްސަދަކީ ކަސްޓަމަރުންނަށް ޑިސްކައުންޓާއެކު އެމްޓީސީސީގެ ޕްރޮޑަކްޓްތައް ވިއްކުމެވެ. މި ޕްރޮމޯގެ ދަށުން ޑިސްކައުންޓް ދެވުނު ޕްރޮޑަކްޓް ތަކަކީ، ސުޒުކީ އިންޖީނާއި، ޔަންމާ ޖެންސެޓްސް، ސްޓަރން އައިޓަމްސް އާއި ޕީޕީޖީ ކޯޓިންގ، ސްކޮޓް ބޭޑަރ ރެސިން އާއި ސްކޮޓް ބޭޑަރ ޖެލްކޯޓްސް، އަދި ޕިގްމެންޓްސް އާއި ސްޕެއާރ ޕާރޓްސް އާއި އެކްސަސަރީޒް އާއި އިންޑަސްޓްރިއަލް ގޭހައި، މެރޯލް އަދި ލުބްރިކަންޓްސް އެވެ.
"އެމްޓީސީސީ ރޯދަ ޕްރޮމޯ 2024" ކުރިއަށް ދިޔަ މުއްދަތުގެ ތެރޭ ގްރޭޓަރ މާލެ ސަރަހައްދާއި ރާއްޖޭގެ އެކި އެކި ރަށްރަށަށް އެމްޓީސީސީގެ ޓީމުން ވަނީ ޒިޔާރަތްކޮށްފައެވެ.